"Tbilisi Ermənistan və Azərbaycan arasında vasitəçi rolunu oynamağa hazırdır" – Kobaxidze
Gürcüstanın Baş naziri İrakli Kobaxidze bildirib ki, Tbilisi Ermənistan və Azərbaycan arasında vasitəçi rolunu oynamağa hazırdır, əgər tərəflər belə bir istək nümayiş etdirsələr.

“Əgər maraq olarsa ki, Gürcüstan məsələn, vasitəçi rolunu oynasın və ya danışıqlar prosesinə daha fəal şəkildə qoşulsun, biz həmişə bu hazırlığımızı ifadə etmişik. Bu gün də bu hazırlıq mövcuddur. Əgər müvafiq maraq olarsa,
biz iki qonşu ölkəmizə kömək və dəstək təklif etməyə hazırıq”,
– Kobaxidze bu barədə İctimai Yayım şirkətinə müsahibəsində bildirib.

Qarabağ müharibəsindən sonra Ermənistan və Azərbaycan müxtəlif formatlarda sülh müqaviləsi üzərində fəal müzakirələr aparırlar. Tərəflər arasında Tbilisidə danışıqlar hələlik gündəlikdə olmayıb, lakin Tbilisinin vasitəçi rolunu təklif etməsi ilə bağlı Gürcüstanın keçmiş Baş naziri İrakli Qaribaşvili də tez-tez danışıb.

Mənbə: Netgazeti

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!
Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

Print ელ. ფოსტა
თეგები: Azərbaycan Ermənistan Gürcüstan
FaceBook Twitter Google