".. bu gün Gürcüstan parlamenti artıq mövcud deyil"- Zurabişvilinin müraciəti
"Hər kəsi salamlayıram!

Mən bu gün ürəyi ağrıyan Gürcüstan cəmiyyətini salamlayıram. Bu gün bizim hər birimizin ürəyi ağrımalıdır, çünki bu gün Gürcüstan parlamenti artıq mövcud deyil. Gürcüstan parlamenti və ya hakim partiya Konstitusiyanı ayaqlar altına aldı. Onlara çox yazığım gəlir!

Ən çox isə Kobaxidzeyə yazığım gəlir. O Kobaxidzeyə ki, Konstitusiyanın müəllifidir. Görünür, bəzi şeyləri nəzərə
almadı, yoxsa Konstitusiyanı ayaqlar altına aymazdı.
Bu gün donmuş üzlə oturan bütün deputatlara yazığım gəlir, çünki onlar bilirlər ki, onlar özləri saxtalaşdırılmış seçkilərin nəticələridir. Onlar bilirlər ki, neçə ay, həftə bilmirəm, bu zalda bağlı qalacaqlar. O zalda ki, heç bir hüquqları yoxdur.

Yazığım gəlir o Gürcüstana ki, burada insanlar bir-birini bugünkü kimi salamlamaqla qarşılayırlar. Bizim gördüyümüz görüntülər utancvericidir və tarixdə rüsvayçı bir səhnə kimi qalacaq.

Amma sizə yazığım gəlmir. Bizim cəmiyyətimizə yazığım gəlmir, çünki cəmiyyət oradadır, olmalı olduğu yerdədir və zamanında oradadır!

Gənclərimizə yazığım gəlmir, çünki gələcək onların əlindədir və hazırlaşmalıdırlar ki, yalnız gələcəkdə deyil, çox tezliklə bu ölkənin idarəçiliyini də öz əllərinə almalıdırlar. Gördüyümüz budur: sizin vaxtınız gəlib çatıb. O köhnə zaman, bu günkü Parlamentdə əks olunan dövr artıq bitib.

Yeni nəsil və yeni siyasi qüvvələrin bu ölkədə görünməsi zəruridir, çünki çox yaxın zamanda yeni seçkilər keçiriləcək. Bu seçkilər artıq Kalandarişvilinin forması ilə deyil, azad və ədalətli şəkildə baş tutmalıdır.

Bu vaxt artıq yaxınlaşır!

Bu gün bizim əsas vəzifəmiz haradasa hər gün dayanmaq deyil. Əsas vəzifəmiz hazırlıqdır. Əgər hazırlaşsaq, özümüzə güvənməliyik, tərəfdaşlarımıza güvənməliyik. O tərəfdaşlarımıza ki, Gürcüstanı tərk etməyə hazır deyillər; biz inanmalıyıq ki, bu ölkənin gələcəyi bizimdir – hamımızındır! ...və mən Strasburqa getmək qərarına gəlsəm, əvvəlcədən sizə xəbər verəcəyəm: nə üçün gedirəm, kiminlə görüşəcəm, nə edəcəm və necə qayıdacam.

Burada olacağam və birlikdə yeni seçkilərə hazırlaşacağıq!"
Print ელ. ფოსტა
თეგები: Gürcüstan
FaceBook Twitter Google