“Gürcü arzusu”nun prezidentliyə namizədi Mixeil Kavelaşvilidir
“Gürcü arzusu”nun prezidentliyə namizədi Mixeil Kavelaşvilidir. Partiyada keçirilən brifinqdə onu fəxri sədr Bidzina İvanişvili təqdim edib.
2022-ci il iyulun 26-da Gürcüstan parlamenti “İnformasiya Azadlığının İnkişafı İnstitutu” qeyri-hökumət təşkilatına bildirib ki, “Gürcüstan Parlamentinin deputatı Mixeil Kavelaşvilinin təhsilini təsdiq edən sənəd təqdim edilməyib və buna görə də Parlamentin aparatında saxlanmır”.


Mixeil Kavelaşvili
(D.t. 22 iyul 1971, Bolnisi) – keçmiş gürcü futbolçu və siyasətçi, Gürcüstan milli futbol komandasının sabiq hücumçusu. 2016-cı ildən Gürcüstan Parlamentinin üzvüdür. 2024-cü ilin 20 martından “Xalqın Gücü” partiyasının siyasi katibi vəzifəsini tutur.
Bioqrafiya
1989-cu ildə Mixeil Kavelaşvili Tbilisi Dövlət Universitetinin İqtisadiyyat fakültəsinə qəbul olunub, lakin 1990-cı ildən etibarən uğurlu idman karyerasına başlayıb.
1988–1995: “Dinamo Tbilisi”;
1994–1995: “Alaniya-Vladikavkaz”;
1995–1997: “Mançester Siti”;
1997–1999: “Qrashoppers”;
1999–2002: “Zürix”;
2002–2003: “Lüsern”;
2003–2004: “Sion”;
2004–2005: “Aarau”;
2004: “Alaniya-Vladikavkaz”;
2005–2006: “Qazel”.
Kavelaşvili 2006-cı ildə İsveçrədə C kateqoriyalı məşqçilik lisenziyası alıb. 2009-cu ildən FIFPro-nun Gürcüstandakı filialının təsisçisi və fəxri prezidenti olub. O, eyni zamanda Gürcüstan İctimai Televiziyasında futbol üzrə ekspert kimi çalışıb və bir sıra nəşrlərin müəllifidir.
2016–2020: Gürcüstanın 9-cu çağırış Parlamentinin üzvü (Tbilisi, Sanzona dairəsi).
2020-ci ildən: 10-cu çağırış Parlamentin üzvü (Tbilisi, Nadzaladzevi dairəsi).
2022-ci ilin 28 iyununda Sozar Subari və Dmitri Xundadze ilə birlikdə “Gürcü Arzusu” partiyasını tərk edib. Partiyanın məlumatına görə, qərar ictimai məlumatlarla bağlı məsələlərə dair fikir ayrılığı ilə əlaqəli idi.