Marneuli Bələdiyyəsi yerli yolların təmir işlərinin satın alınması məqsədilə 35 101 lari dəyərində tender elan edib. Layihənin maliyyələşdirilməsi tam şəkildə yerli büdcə hesabına həyata keçiriləcək.

Tender 2025-ci il iyulun 17-də elan olunub. Təkliflərin qəbulu avqustun 2-də başlayacaq və avqustun 7-də, saat 13:30-da başa çatacaq.

Tender sənədlərinə əsasən, təmir işləri həm yolun hərəkət hissəsini, həm də müxtəlif yolkənarı infrastruktur elementlərini əhatə edir. Planlaşdırılan işlərə aşağıdakılar daxildir:

• Otların biçilməsi və

  

  yolkənarı su arxlarının (kyuvetlərin) təmizlənməsi;
• Dəmir-beton və metal boruların quraşdırılması;
• Zədələnmiş asfalt örtüyünün soyuq və isti qarışıqlarla təmiri;
• Yol səthinin çınqılla işlənməsi;
• Bordür və səki daşlarının quraşdırılması;
• Termal və soyuq plastik materiallarla yol nişanlanması;
• Yol nişanları və sürət məhdudlaşdırıcılarının quraşdırılması;
• Qış aylarında yollarda təmizlik işlərinin aparılması – qar təmizləmə və duzlama.

Layihə çərçivəsində həmçinin xüsusi texnikadan – qreyder, ekskavator, buldozer və təmizləyici maşınlardan istifadə olunacaq. Yol kənarlarında dekorativ fidanların əkilməsi də nəzərdə tutulur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---