Bu gün, 1 avqustda, Batumi Şəhər Məhkəməsində artıq 5 saatdan çoxdur ki, Mzia Amağlobeli ilə bağlı məhkəmə prosesi davam edir.

Hakim Nino Saxelaşvili müdafiə tərəfini dinləyir.

Mzia Amağlobelinin vəkili Maia Mtsariaşvili sillə epizodundan danışaraq vurğulayıb ki, Mzia Amağlobelinin silləsi sağlamlığa zərər verə bilməzdi, İ. Dqebuadzenin ləyaqəti məsələsi isə ağır cinayət kimi qiymətləndirilə bilməz:

“Üzə açıq əllə vurmaq sillədir.

Çikobava sizin üçün nüfuzlu fiqurdur?

Gürcü dilinin izahlı lüğətinə (A. Çikobava) görə, açıq əllə üzə vurmaq sillə adlanır.

Sillə sağlamlığa zərər yetirə bilməz.

…İfadəsi zamanı Dgebuadze dəfələrlə qeyd edib ki, təhqir olunub, bu isə o deməkdir ki, onun sözlərinə görə, ləyaqətinə toxunulub, lakin bu, Cinayət Məcəlləsinin 3531-ci maddəsinin qoruma obyekti deyil.

Prokuror da bizimlə razılaşdı ki, Mzianın hərəkəti sağlamlığa xəsarət yetirmək məqsədi daşımırdı.

Əgər sillə sağlamlığa zərər verə bilmirsə, Mzia nə istəyirdi? Nə onu narahat edirdi?..

Hökumətyönlü şərhlər də deyir ki, bu təhqirdir, amma deyirlər ki, guya ağır cinayətdir…

[Ağır cinayət] kvalifikasiyası yalnız Dgebuadzenin ləyaqəti təhqir olunub deyə tətbiq oluna bilməz… Bu epizodda Mzia onun üzünü çimdikləsəydi, ittiham nə deyəcəkdi – hücum edib üzünü çimdikləyib?”

– deyə Maia Mtsariaşvili hakim Nino Saxelaşviliyə və prokurorlara bildirib.

Məhkəmə iclası Batumidə bu dəqiqəyə qədər [19:30] davam edir.

Hakim Nino Saxelaşvilinin bu gün Mzia Amağlobeli işi üzrə hökm elan edib-etməyəcəyi hələlik məlum deyil.

---

Bu gün Mzia Amağlobeliyə qarşı keçirilən məhkəmə prosesinin sonuncu iclasıdır.
Bu, təkcə bir insanın işi deyil – bu proses bizdən soruşur:
Bu ölkədə insan ləyaqətinin qorunması imkanı qalıbmı?
Bu gün söz azadlığı varmı, yoxsa məhkəmə sistemin xidmətçisinə çevrilib?

Mzia Amağlobeli elə bir sərhəddir ki, bizə cəmiyyətə informasiya çatdırmağa imkan verir – elə bir dövrdə ki, bu, getdikcə daha da çətinləşir.
Mzia informasiya almaq hüququ, seçim azadlığı deməkdir.
Məlumatlı insan azad seçim deməkdir.
Azad seçim isə insanın ləyaqətlə yaşamaq hüququnun əsas şərtidir.

Mzia Amağlobeliyə həmrəylik və azadlıq!
Mətbuata azadlıq– xalqın tərəfində olan və korrupsiyalaşmış sistemə qarşı çıxan mətbuata.

---

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---