Həmidulla ötənhəftəki dağıdıcı zəlzələdə viran qalmış evinin dağıntıları içində ağlayır... O, avqustun 31-i gecəyarı Əfqanıstanın şərqindəki Kunar vilayətini silkələmiş zəlzələdə ailəsini itirib, başlı-başına qalıb...

Yeniyetmə Çavkay rayonundakı qonşuları ilə birlikdə valideynlərinin, beş bacısının, iki qardaşının meyitlərini xarabalıqlar altından çıxarıb.

"Qapqara qaralmışdılar. Zəlzələ vaxtı çarpayıda yatırmışlar, orada da ölüblər", – Həmidulla AzadlıqRadiosunun "Radio Azadi" xidmətinə danışır.

Həmidulla faciədə 26 qohumunu da itirib – dayıları, xalaları, onların uşaqları, hamısı ölüblər.

2 min 200-dən çox insan 6 bal gücündə zəlzələnin qurbanına çevrilib, azı 3 min 600 nəfər yaralanıb. Vilayətdə bütöv kəndlər yerlə yeksan olub.

Həmidullanın əmilərindən biri sağ qalıb. O da Çavkay rayonunda yaşayır.

"Bu ərazi tamamilə dağılıb. Burada çoxlu mal-qara, evlər vardı, hər şey yoxa çıxıb", – o danışır.


Qonşu Nəngərhar vilayətində işləyən Həmidulla zəlzələ vaxtı evdə olmayıb.

Güclü zəlzələ Əfqanıstanda humanitar və iqtisadi böhranları daha da dərinləşdirib. Axı 2021-ci ildə hakimiyyəti "Taliban"ın ələ keçirməsindən sonra ölkəyə beynəlxalq yardım da, əsasən, kəsilib.

Sentyabrın 8-də "Taliban" axtarış-xilasetmə işlərini dayandırıb. Yerlilər isə itkinləri axtaracaqlarını deyiblər.

Əldən-ayaqdan uzaq kəndlərə fövqəladə xidmətlərin getməsi çox çətindir. Hazırda minlərlə insan açıq havada qalıb, yemək, içməli su, sığınacaq tapmağa çalışır.

Son vaxtların daşqınları, relyef də xilasetmə işlərini çətinləşdirib. Bəzi yerlərdə kənd sakinləri sağ qalanları tapmaq üçün torpağı yalın əl ilə təmizləyiblər.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.