Marneulidə həmkəndlisini bıçaqlayıb döyən iki nəfər saxlanıldı

Marneuli rayonunun kəndlərindən birində ağır cinayət hadisəsi baş verib. Gürcüstan Daxili İşlər Nazirliyinin yaydığı məlumata görə, 1992-ci il təvəllüdlü Ş.G. adlı şəxs həmkəndliləri tərəfindən bıçaqlanıb və küt alətlərlə ağır şəkildə döyülüb.

Nazirliyin məlumatına əsasən, aparılan istintaq tədbirləri nəticəsində 2005-ci il təvəllüdlü N.X. və 2007-ci il təvəllüdlü T.X. saxlanılıb. Bildirilir ki, onlar keçmişdə yaşanmış mübahisəyə görə Ş.G.-yə müxtəlif bədən xəsarətləri yetirərək hadisə yerindən qaçıblar.

Yaralı hazırda xəstəxanada müalicə alır. Faktla bağlı Gürcüstan Cinayət Məcəlləsinin 117-ci (qəsdən sağlamlığa ağır zərər vurma) və 120-ci (qəsdən yüngül xəsarət yetirmə) maddələri üzrə istintaq aparılır. Təqsirləndirilən şəxsləri 7 ilədək azadlıqdan məhrumetmə cəzası gözləyir.

DİN araşdırmalara davam edir.