ABŞ prezidenti Donald Trampın kiçik oğlu Berron Trampın 150 milyon dolları var və bunu "World Liberty Financial" kriptovalyuta şirkəti sayəsində qazanıb.

"Forbes" yazır ki, 2024-cü ilin prezident seçkisinə iki aydan da az qalmış Berron atası və iki böyük qardaşı ilə birlikdə bu şirkəti təsis edib. Atasına rəqəmsal pul kisəsinin nə olduğunu da elə Berron öyrədibmiş.

D.Tramp prezident seçiləndən sonra "World Liberty" parlayır və Tramp ailəsinin sərvətini 1.5 milyard dollardan çox artırır. Bunun 10 faizi - 150 milyon dolları Berrona məxsusdur.

Berron 2006-cı ildə, atasının üçüncü nikahından doğulub. "Forbes" onun prezidentin digər uşaqları ilə müqayisədə daha çox kölgədə qaldığını yazır. O, 2017-ci ildə atasından bir neçə ay sonra Kolumbiya Dairəsinə köçüb və məlumatlara görə, Merilend ştatında təhsil haqqı ildə 50 min dollardan çox olan özəl məktəbə daxil olub.

2018-ci ildə anası Melaniya Tramp evlilik müqaviləsini yenidən razılaşdıraraq oğlu üçün daha yaxşı miras şərtləri və ailə biznesində daha çox iştirak təmin edib. "Forbes" Berronun ilk cəhdinin xeyli gəlirli olduğunu yazır.

Dərgi onun digər bəlli aktivinin olmadığını, amma 150 milyon onun hazırkı təhsil haqqından 2 min 200 dəfə çox olduğunu yazır. B.Tramp Nyu-York Universitetinin Stern Biznes Məktəbində təhsil alır. İllik təhsil haqqı 67 min 430 dollardır.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.