Yeni, 2026–2027-ci tədris ilindən etibarən qeyri-gürcüdilli məktəblərdə gürcü bölmələri açılacaq.
Təhsil nazirinin müvafiq qərarı bütün təhsil müəssisələrinə şamil olunacaq.

Yeni qaydaya əsasən, məktəblərə şagird qəbulu artıq elan olunmuşdu. Hətta konkrеt məktəbdə gürcü bölməsinə yalnız 1 şagird qeydiyyatdan keçsə belə, təhsil müəssisəsi həmin bölməni açmağa borclu idi.

Marneuli bələdiyyəsində 74 dövlət məktəbi fəaliyyət göstərir ki, bunlardan 9-u gürcüdilli, 8-i isə qarışıq məktəbdir. Yeni tədris ilindən isə daha 13 dövlət məktəbində gürcü bölməsi fəaliyyətə başlayacaq. Bu barədə “Marneuli" radiosuna yerli Resurs Mərkəzinin nümayəndəsi İrma Davadze bildirdi və şagirdlərin gürcü bölməsində təhsil almaq istəyi bildirdiyi məktəblərin siyahısını təqdim etdi:

• Yuxarı Saral orta məktəbi
• Kürtlər orta məktəbi
• Candar orta məktəbi
• İlməzli orta məktəbi
• Əzizkənd orta məktəbi
• Dəmyə-Görarxı orta məktəbi
• Ləjbəddin orta məktəbi
• Marneuli 1 saylı orta məktəbi
• Marneuli 3 saylı orta məktəbi
• Marneuli 4 saylı orta məktəbi
• Keşəli orta məktəbi
• Kosalı orta məktəbi

İrma Davadzenin sözlərinə görə, qeyd olunan məktəblərə 15 yeni kadr işə götürüləcək.

"Sözügedən məktəblərdə 15 yeni kadra ehtiyac olacaq. Çünki Kosalıda iki optimallaşdırılmış məktəbimiz var və hər ikisində istək bildirilib, lakin məktəb bir sayılır. Mütəxəssisin kvalifikasiyasına gəlincə, o, ibtidai siniflər üzrə kombinə edilmiş statusa malik olmalı — imtahanı vermiş və minimum baş müəllim statusuna sahib olmalıdır", — İrma Davadze qeyd etdi.

Məktəblərdə yeni açılmış gürcü bölmələrinə ümumilikdə 106 birinci sinif şagirdi qeydiyyatdan keçib. Marneuli miqyasında fəaliyyət göstərən təhsil müəssisələri bu il 2000-dək birinci sinif şagirdini qəbul edəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.