Marneuli meriyasındakı 14 vakant yer üçün müsahibə mərhələsi
tamamlandı.
Marneuli meriyası inzibati xidmətinin rəhbəri Nino Dekanoidze
bizimlə söhbəti zamanı qeyd etdi ki, müsahibədə 183 namizəd iştirak
edib.
“Namizədlər yaxşı hazırlaşmışdılar və hazırlıqlı
görünürdülər. Elə vəzifələr var ki, burada müsahibə nisbətən çox
oldu və namizədlər də müəyyən dərəcədə səfərbərlik nümayiş
etdirdilər və müəyyən vəzifələr də var ki, orada daha çox
peşəkarlığa ehtiyac var” – deyə Nino Dekanoidze
bildirdi.
Nino Dekanoidze onu da bildirdi ki, hal-hazırda komissiyanın
nəticələrini yekunlaşdırırlar, bundan sonra isə müsabiqə
iştirakçıları nəticələrlə tanış olacaqlar.
Müsabiqənin ikinci mərhələsində işlə təmin olunmaq istəyənlər
müsahibədən keçdilər.
Sadələşdirilmiş müsabiqə yerli özünüidarənin peşəkar ictimai
xadimlərinin açıq və əmək müqaviləsi əsasında tutulacaq vəzifələri
üçün elan olunmuşdu.
Marneuli meriyasına işçiləri qəbul edəcək komissiyaya “Marneuli
Demokrat Qadınlar Cəmiyyəti”nin sədri Olqa Endeladze də daxil olub.
Onun dediyinə görə, müsahibə prosesi bütün prosedurlara riayət
olunaraq keçirilib, lakin namizədlərin sayı az olub.
"Siyahılarla müqayisədə təxminən 30% elan olunub.
Siyahılarda real olaraq iştirak edənlərdən daha çox adam
var" – deyə Olqa Endeladze bildirdi.
Endeladze bildirir ki, müsahibədə iştirak etməyən müsabiqəçilər
seçim mərhələsindən avtomatik kənarlaşdırılacaqlar.
14 vakant yerin tutulması üçün müsabiqənin ikinci mərhələsi 13
sentyabr tarixində başladı və 17 sentyabr tarixində başa çatdı.