Sabah, 3 noyabr tarixində Marneulidə “Avropa Günləri”
keçiriləcək. Marneuli meriyası ərazisində hazırlıqlara bu gün səhər
saatlarından başlanılıb.
Buna görə də həmin ərazidə maşınların hərəkəti
məhdudlaşdırılıb.
Avtomobillər alternativ yolla hərəkət etməli olacaqlar. Alternativ
yol “Ata Holdinq” idman kompleksinin yanından keçərək 4 saylı uşaq
bağçasının yanından çıxır.
Marneuli şəhərində küçələrin adları qeyd olunmuş nişanlar
yoxdur. Buna görə də, əgər “Ata Holdinq” və ya 4 saylı uşaq
bağçasının harada olduğunu bilmirsinizsə, sadəcə maşın axınına
qoşulmalı olacaqsınız və yenidən Rustaveli küçəsinə çıxacağınıza
ümid edəcəksiniz.
Yol sabah, 3 noyabr axşam saat 8:00-dan sonra açılacaq.