Tseretelidə kənd yığıncağında iştirak üçün dünyasını dəyişmiş şəxslər də imza atıblar
Kənd
yığıncağında iştirak etmək üçün ölülərə əvvəlcədən imza
atdırıblar.
Ölənləri təsadüfən xatırlamırıq və məsələ 21
yanvarda Sereteli kəndində pozulan kənd yığıncağına aiddir,
yığıncaq əhali sayının az olmasına görə ləğv olunub.
"Marneuli" Radiosu yığıncağa “getmiş əhalinin” əvvəlcədən toplanmış
imzalarının şəklini çəkib. Bizdə siyahının ancaq sonuncu səhifəsi
var və ondan məlum olur ki, 2 nəfər illərdir ki, artıq dünyasını
dəyişib. Ancaq onların imzaları yenə də qeydə alınıb. Bu faktı
hüquqşünas Giorgi Mumladze saxtalaşdırma cəhdi ilə əlaqələndirir və
deyir ki, ehtimalla yetərli say olsun deyə istifadə ediblər və
aydındır ki, bu meriyanın şəffaflığına sual işarəsi qoyur.
“Bu hüquqi baxımdan ümumiyyətlə qəbuledilməzdir. Biz
deyəndə ki, büdcəni vətəndaşlar istifadə etməlidir, biz burada sağ
insanlardan danışırıq ölülərdən deyil. İkinci məsələ odur ki, bu
göstəricilər kimdədir və niyə? Niyə hansısa qrup adamlarda ölmüş
insanların şəxsi nömrələri, ad, soyadları var. Burada artıq konkret
mqəsəddən söhbət gedir ki, yığıncağın həcmini artırsınlar. Bu
göstəricilərlər manipulyasiyanın baş verməsini istəyirlərmiş.
Tamamilə qəbuledilməz və qeyri-etikdir ki, ölülərdən kiçik maraqlar
üçün istifadə edirlər. Onların ailə üzvlərinə nə deyirik, bu ki,
təhqirdir, faciədir” – deyir Giorgi Mumladze.
İştirakçıların siyahısı kənd müvəkkili administrasiyasının
əməkdaşında idi və o, 21 yanvarda bizimlə söhbət zamanı bildirdi
ki, sakinlərə “kənd yığıncağı” haqqında əvvəlki gündən məlumat
verilib və imza atdırılıb. Ancaq sual yaranır ki, ölmüş adama necə
və nə cür imza atdırıblar. Fakt isə odur ki, Tseretelidə 200
adamdan kənd yığıncağına 70 nəfərə qədər sakin çıxara biliblər.
Mövzu ilə bağlı "Marneuli" Radiosu işləyir.