Marneulidə 7 qızılcaya yoluxma halı qeydə alınıb
Marneuli bələdiyyəsində 7 qızılcaya yoluxma halı
qeydə alınıb.
Xəstəliklərin Nəzarət və İctimai Səhiyyə
Mərkəzinin rəhbəri Eter Laperadze izah edir ki, qızılca
həddi-buluğa çatmış şəxslərdə qeydə alınıb.
“Qızılca ilə bağlı peyvəndləmə çox yaxşı davam edir.
Məktəblər, uşaq bağçaları artıq peyvəndə görə müraciət ediblər.
Vətəndaşların müraciəti də artıb. Çətinliklər hələ ki, yoxdur.
Düşünürəm ki, rayonda qızılcanın böyük halları ona görə yoxdur ki,
2008-ci ildə əhalinin 92%-ni peyvəndlədik” - deyir
Eter Laperadze.
Laperadze deyir ki, bələdiyyənin virusa qarşı vaksin problemi
yoxdur və əhalini peyvənd vurdurmağa çağırır.
Peyvənd vurdurmaq üçün kənd laboratoriyalarına müraciət
etməlisiniz.
Xəstəliklərin Nəzarət Mərkəzinin məlumatına görə, Gürcüstanda
qızılca epidemiyasının partlayışıdır. Bir yanvardan 18 yanvara
qədər Gürcüstanda qızılcaya dair 335 hal qeydə alınıb.
Qızılcanın mənbəyi xəstəliyə yoluxmuş adamdır. Bu xüsusən xəstəliyə
yeni yoluxan zaman təhlükəlidir. Virus inkubasiyası dövründən
infeksiyaya yoluxma müddəti 7-18 günü təşkil edir. İnfeksiya
ötürənlər səpkilərin başlamasından 4 gün ərzində olanlar hesab
edilir. Bundan əlavə virusun yüksək qəbul edilmə xarakteri də var.
24 saatlıq ünsiyyət dövründə infeksiyanı qəbul edənlərin 40%, 48
saatlıq ünsiyyət dövründə isə 60%, 72 saatlıq ünsiyyət dövründə 80%
xəstəliyə yoluxur.
Qızılcanın tipik halı olduqca ciddi başlayır, temperatur qalxır,
simptomlardan təqribən 2-3 gün sonra ağız boşluğunda yumru, ağ
səpkilər əmələ gələ bilir. 5- 6 gün sonra isə xəstənin bədənində
səpkilər görsənir. Ancaq insan nə qədər yaşlıdırsa bir o qədər
simptomları keçirmək çətin olur.