"Bizim siyasi mübarizəmiz xalqın qələbəsidir" - Aqil Mustafayev
"Bizim siyasi mübarizəmiz xalqın qələbəsidir" - Bu sözləri Birləşmiş müxalifət “Güc birlikdədir”-in mer vəzifəsinə keçmiş namizədi Aqil Mustafayev Marneuli radiosu ilə söhbəti zamanı dedi.

Onun sözlərinə görə, hər nə qədər seçkilərdə “Gürcü Arzusu” qalib gəlsə də, hakimiyyət yıxılana kimi onlar öz siyasi mübarizələrini davam etdirəcəklər. Mustafayev onu da qeyd etdi ki, artıq 7 ildir ki, siyasətə qoşulub və bu müddət ərzində xalqa verilən vədlər və siyasi planlar dəyişməz olaraq qalmaqdadır.

Aqil Mustafayevin sözlərinə görə, irəlidə parlament seçkiləri var və “Vahid Milli Hərəkat” partiyası ona ictimaiyyətə çıxaraq partiyanı təmsil etməsini təklif edərsə, buna hazırdır.

Qeyd edək ki, “Vahid Milli Hərəkat – Birləşmiş müxalifət”in növbədənkənar mer seçkilərində namizədi olan Aqil Mustafayev 4 106 nəfər seçicinin etimadını qazanaraq 11.49% səs toplamış və 2-ci yerdə qərarlaşmışdı.

“Gürcü Arzusu – Demokratik Gürcüstan”ın namizədi Zaur Darğallı isə seçicilərin 78.6%-nin etimadını qazanaraq qalib gəlmişdi.

Print ელ. ფოსტა
თეგები: Marneulifm Marneuli
FaceBook Twitter Google
დაიცავი დისტანცია