Son zamanlarda sürətlə yayılan koronavirusa görə bir çox məktəblər
aprel ayının 1-nə kimi distant təhsil rejiminə keçib.
Buna baxmayaraq, Sadaxlıda yerləşən ictimai məktəblər hələ də
distant rejimə keçməyib. 900-dən çox şagirdi olan Sadaxlı 2 saylı
ictimai məktəbində şagirdlər bütün təhsil müəssisələrində olduğu
kimi tətilə buraxılıblar.
Valideynlərin sözlərin görə, aşağı siniflərdə oxuyan övladları
dərsə getməyəndə özlərində məsuliyyət hiss eləmirlər və dərs
oxumurlar.
“Mənim övladım dərsə getməyən vaxt məsuliyyət hiss
etmir və dərslərini oxumur, bu isə onun təhsilində zəifləməsinə
gətirib çıxarır”, – valideyn deyir
Məktəblərdən fərqli olaraq universitetlərdə vəziyyət belə deyil.
Universitet tələbələri artıq onlayn dərs rejiminə keçiblər.
Universitet tələbələrinin sözlərinə görə, onlar yenə eyni dərsləri
eyni gündə, eyni saatda onlayn şəkildə keçirlər.
“Biz əvvəlki kimi bir qayda olaraq eyni cədvəldən
istifadə edirik. Həftənin bir günü video görüntü ilə geridə qalan
günləri isə elektron poçt vasitəsi ilə keçirik. Beləliklə, heç bir
dərsdən geri qalmırıq”, – birinci kurs tələbəsi Eşqin
Şəpərəyev deyir.
Qeyd edək ki, yalnız Sadaxlı ictimai məktəbləri deyil, bunlarla
yanaşı bir çox məktəblər distant təhsil rejiminə keçməyib.