Qırmızı Xaç Cəmiyyətinin Marneuli ofisi meriyanın könüllülərinə təlim keçəcək
Qırmızı Xaç Cəmiyyətinin Marneuli
ofisi yeni koronavirusun qarşısının alınması məqsədi ilə
məlumatlandırma kampaniyası planlaşdırır və meriyaya əhaliyə təlim
keçməkdə yardım edəcək.
“Başqa filiallarla yanaşı Marneuli filialı da
“covid-19”-un qarşısının alınması tədbirlərinə qoşulur və
Marneulidə məlumat kampaniyası keçiririk. Kampaniya zamanı
könüllülər əhaliyə və müxtəlif qurumlara yeni koronavirus haqqında
üç dildə məlumat vərəqələri paylayır”, – Qırmızı
Xaçın Marneuli ofisinin sədri Nana Talaxadze deyir.
Onun sözlərinə görə, meriya ilə əməkdaşlıq edəcəklər və onların
təlimçiləri meriyanın könüllülər qrupunu yaşlı vətəndaşlara
müxtəlif fəallıqlarda kömək baxımından hazırlayacaqlar.
“Bizim üçün könüllülərin təhlükəsizliyi vacibdir və tədbirlərdə
iştirak edənə qədər onlar təlim keçəcəklər. Təlimdə düzgün
geyinməyi və insanlarla ünsiyyət zamanı özlərinə zərər vurmamaq
üçün nəyi nəzərə alacaqlarını öyrənəcəklər. Biz onları təchizatla
da təmin edəcəyik”, – Qırmızı Xaçın Marneuli ofisinin
təlimçisi deyir.
Qeyd dək ki, Gürcüstanda yeni kornavirusun ilk aşkarlandığı gündən
Gürcüstan Qırmızı Xaç Cəmiyyəti Səhiyyə Nazirliyi ilə əməkdaşlıq
yolu ilə “covid-19”-un qarşısının alınması tədbirlərinə fəal
qoşulub.
Bu günə olan məlumata görə, Gürcüstanda 43 nəfər koronavirusa
yoluxub.
Müəllif: Edqar Mazmanyan