Marneulidə koronavirusa yoluxma halı qeydə alınıb
Marneuli "Geo Hospital"
klinikasında bir xəstədə koronavirus aşkarlanıb.
Bu haqda “Marneuli” radiosuna
həmin klinikanın direktoru Tata Şenqelaia təsdiq edib və bildirib
ki, hazırda xəstəxanada dezinfeksiya işləri aparılır və
Xəstəliklərə Nəzarət Milli Mərkəzindən epidemioloqların gəlməsini
gözləyirlər. Məhz Tbilisidən gələn mütəxəssislər xəstənin başqa
klinikaya keçirilməsi ilə bağlı qərar verəcəklər.
Şenqelaianın sözlərinə görə, öz tibbi heyətləri müvafiq şəkildə
təchiz olunub və ancaq hələ əməkdaşlarının karantinə yerləşdirilib
yerləşdirilməyəcəyi məlum deyil. Koronavirusa yoluxan xəstə güman
ki, risk qruplu ölkələrə səfər edənlər arasındadır.
Xəstənin klinikaya 18 mart tarixində yerləşdiriləcəyi
bildirilir.
Düzəliş: “Marneuli” radiosu Marneuli İctimai
Səhiyyə Mərkəzinin rəhbəri Eter Laperadze ilə əlaqə saxladı və
Laperadze bildirdi ki, koronavirusa yoluxmuş xəstə sərhədi keçməyib
və yoluxmanın mənbəyini araşdırırlar.