Marneuli meriyası tərəfindən şəhərin bəzədilməsi üçün elan edilmiş
tender baş tutmayıb.
Yerli özünüidarə Marneuli şəhərində küçələrin bəzədilməsi/yeni il
bəzəkləri-çilçıraqlarının alınması-quraşdırılması/mövcud olanların
bərpa işləri (quraşdırılma-sökülməsi) dizayner xidməti ilə yanaşı
alqı-satqılara 199 900 lari dəyərində tenderi 22 noyabr tarixində
elan edib. Ancaq tenderdə heç kim iştirak etməyib.
Meriyanın Maliyyə-Büdcə Xidmətinin rəhbər səlahiyyətlərini icra
edən Maia Naveriani “Marneuli” radiosu ilə söhbəti zamanı bildirdi
ki, işləri sadələşdirilmiş qaydada alacaqlar.
“Sadələşdirilmiş qaydada müqavilə bağlanacaq. Agentlikdən icazə
alacağıq. İndi artıq məktub göndərilib, yekun işlər aparılır və
Alqı-satqı Agentliyinə göndəriləcək. Cavab güman ki, sabah
bilinəcək və sonra qısa müddətdə sadələşdirilmiş qaydada müqavilə
bağlanacaq” – Maia Naveriani bildirdi.
Yeni il işıqlarının quraşdırılması planlaşdırılan məkanları təqdim
edirik:
- 26 may küçəsi – “Yenə də böyüyəcəklər”
parkı
- 26 may küçəsinin işıqlandırılması girişdən başladılsın,
arka qurulsun
- 26 may meydanına qədər işıqlandırılsın, dirəklərə
çilçıraqlar quraşdırılsın
- 26 may küçəsi meydandan sonra Qızılhacılı körpüsünə
qədər işıqlandırılsın
- Səməd Vurğun küçəsi tam, meydan Tsereteli döngəsinə
qədər
- Meriya binası, Mədəniyyət Evi
- Rustaveli körpüsünə qədər
- Körpüdən bazara qədər
- Bazardan kanala qədər
- Kanaldan Ata Holdinqə qədər
- Ata Holdinqdən Nərimanov dairəsinə qədər
- Nərimanov küçəsi
Qeyd edək ki, Marneuli meriyası 2023-cü ilin gəlişi ilə əlaqədar
bir neçə tender elan edilib. Elan edilmiş üç tenderə görə, yeni il
üçün yerli özünüidarə 360 650 lari ayırıb. Buradan 199 900 lari
şəhərin işıqlandırılmasına, 65 600 lariyə sünii şam ağacının
alınmasına, 85 150 lariyə isə tədbirin keçirilməsi üçün nəzərdə
tutulub.