Marneuli yerli özünüidarəsi 2023-cü il ərzində idman sahəsinin
inkişafı üçün 5 569 000 lari xərcləyəcək.
Marneulinin 2023-cü il büdcəsində idman sahəsinin inkişafına
ayrılmış məbləğ üç proqrama bölünəcək. Həmin proqramlar idman
müəssisələrinə dəstək, idman tədbirləri və idman obyektlərinin
təminatı, bərpası, inşasıdır.
İdman müəssisələrinə dəstək proqramı Marneuli bələdiyyəsinin “İdman
Məktəbinin” maliyyələşdirilməsini nəzərdə tutur. “İdman Məktəbinə”
2023-cü ildə 2 050 000 lari veriləcək.
“Marneuli İdman Məktəbi” 33 obyektdə, 70 qrup və 64 məşqçinin
vasitəsilə 19 idman növü ilə bağlı idman bölmələrini təmin edir.
Məktəb müxtəlif yaş qruplarında (3-dən 25 yaşa qədər) təxminən 1400
benefisiara xidmət göstərir. Sonrakı istiqamətlərdə idman
dərnəkləri açılıb: gürcü güləşi, cüdo (uşaqlar üçün cüdo), sərbəst
güləş, yunan-roma güləşi, boks, taekvando, kikboksinq, futbol,
reqbi, basketbol, voleybol, trampolində tullanma, bədii gimnastika,
akrobatika, oxçuluq, qol güləşi, karate, şahmat, ağırlıqqaldırma.
2023-cü ildə Marneuli bələdiyyəsində iki idman növünün – yüngül
atletika və qızlar üçün voleybolun təsis edilməsi
planlaşdırılır”, – proqramın izahatında yazılıb.
İdman müəssisələrinə dəstək proqramında “İdman Məktəbinin”
maliyyələşdirilməsi üçün 2 milyondan artıq larinin ayrılmasının
hansı məqsədlər üçün nəzərdə tutulduğu qeyd olunub.
“Məktəb könüllü və peşəkar idman istiqamətində, bütün yaş
qruplarında idman tədbirləri planlaşdırır, həyata keçirir; məktəb
sağlam həyat tərzinin populyarlaşdırılması və idmanın kütləviliyi
istiqamətində tədbirlər planlaşdırır, həyata keçirir. Eləcə də onun
tətbiq edilməsi və populyarlaşdırılmasına dəstək olur; Məktəb
uğurlu idmançılara, onlara təqaüd verilməsinə dəstək olur, eləcə də
mərkəzdə idman bölmələrinə gələnlərin ölkə daxilində, həmçinin,
ölkədən xaricdə idman təbirlərində iştirakını təmin edir. İdman
məktəbi imkan daxilində bələdiyyənin inzibati vahidliklərində idman
qruplarının bərabər əlçatanlığını təmin edir. 18 inzibati vahiddən
13-də minimum bir idman qrupu fəaliyyət göstərir. İdman Məktəbi öz
fəaliyyəti çərçivəsində qız və oğlanların nisbətən bərabər
iştirakını daha yaxşı təmin edən idman növlərinin
genişləndirilməsinə üstünlük verir. İdman Məktəbində fiziki
imkanları məhdud olan oxçular üçün müvafiq ixtisas və təcrübəsi
olan məşqçinin iştirakı ilə oxçuluq qrupu fəaliyyət göstərir. İdman
Məktəbi məktəbdə olan idman növlərinə görə şəhərin, milli yığma
komandasının namizədləri və seçim vasitəsilə seçilmiş perspektivli
idmançıların hazırlanmasında illik təlim prosesinin təşkili, yığma
komanda üçün ehtiyatın hazırlanması kimi məsələləri tənzimləyir.
İdman növlərinə əsasən maddi-texniki və təlim bazasının
yaradılması. Məktəbin maneəsiz fəaliyyəti üçün lazımı xərclərin
maliyyələşdirilməsi. İdman zallarına qulluq göstərilməsi, idman
tədbirlərinin təşkili üçün lazımı pul, diplomlar, mükafatlar,
banerlər, video, çap reklamlarının hazırlanması və başqa işlərin
həyata keçirilməsi. İdman inventarının, xüsusi formalar və idman
təchizatının alınması. Məşqçilərin peşəkarlığının yüksəldilməsi
məqsədi ilə idmançların milli və beynəlxalq təlim-seminarlarda,
müxtəlif tədbirlərdə iştirak etməsi. İdmançıların milli və
beynəlxalq arenalara çıxması üçün ezamiyyət xərclərinin təmin
edilməsi və yerli idman tədbirlərinin təşkil edilməsi
xərcləri”, – proqramın izahatında yazılıb.
İdman tədbirlərinin proqramı üçün Marneulinin 2023-cü il büdcəsində
60 000 lari ayrılıb. proqram sağlam həyat tərzinin tətbiq
edilməsini, gənclərin idmanla maraqlanması və idman növlərinin
əlavə edilməsini nəzərdə tutur.
İdman obyektlərinin təchizatı, bərpası və inşası proqramı üçün
büdcədə 3 459 000 lari ayrılıb. Proqramın izahatına görə, 2023-cü
il ərzində Marneuli bələdiyyəsinin 3 kəndində yeni idman zalının
inşası planlaşdırılıb.