Marneuli meriyası 24 gün ərzində restoran xidmətinə 12 053 lari xərcləyib.

Üç sadələşdirilmiş müqaviləyə əsasən, yerli özünüidarə Marneulidə yerləşən "Sadğeqrtselo" ("Qamatğave") restoranına pul ödəyib və fərdi sahibkar Vladimer Kimadze ilə müqavilə bağlayıb.





Birinci süfrə 10 yanvarda qeydə alınıb, meriya buna 3 876 lari ödəyib.

"Bildiyiniz kimi, 2023-cü ilin 10 yanvarında Marneuli meriyası müxtəlif dövlət dövlət struktur vahidlərindən dəvət edilmiş qonaqlara ev sahibliyi edəcək. Buradan irəli gələrək, həmin qonaqlara nahar yeməyi verilməlidir. Xahiş edirik, müvafiq xidmətə qüvvədə olan qanunvericiliklə tətbiq edilmiş qaydada qonaqlara ev sahibliyi etmək və alqı-satqı ilə bağlı fəaliyyəti həyata keçirmək tapşırığı verəsiniz", - İzahatnamədə yazılıb. Ancaq qonaqların kimliyi və sayı dəqiq qeyd olunmayıb.



İkinci sadələşdirilmiş müqavilə 19 yanvarda qeydə alınır. Restorana 4 197 lari ödənilib.

"Xatırladaq ki, cari ilin 19 yanvarında Natlisğeba bayramı ilə əlaqədar dindarların və qonaqların nahar yeməyinə dəvəti planlaşdırılır.

Xahiş edirik, müvafiq vəsait ayırasınız", - izahatnamədə yazılıb. Ancaq burada da qonaqların kimliyi və sayı dəqiqləşdirilməyib.

Daha bir restoran xidməti üçün tender 2 fevralda qeydə alınıb. Marneuli meriyası bu dəfə Sadğeqrtselo restoranına 3 980 lari ödəyib.





"Xatırladaq ki, cari ilin 02 fevral tarixində Marneuli meriyası müxtəlif dövlət strukturundan olan qonaqları qəbul edir. Buradan irəli gələrək, həmin qonaqlar üçün nahar yeməyi təmin edilməlidir. Xahiç edirik, müvafiq xidmətə qüvvədə olan qanunvericiliyə əsasən qonaqların qəbul edilməsi və alqı-satqı ilə bağlı fəaliyyəti həyata keçirmək tapşırığı verəsiniz".

Hər üç restoran xidmətində pul xərclənməsi sərəncamını Marneuli meri Kənan Ömərov verib.