Marneuli bələdiyyəsinin Tsereteli kəndində uşaq bağçasının sökülməsi üçün 45 099 lari xərclənəcək. Marneuli meriyası işləri sadələşdirilmiş qaydada alıb və “Gürcüstan Birləşmiş Şirkəti” MMC ilə müqavilə bağlayıb.

İzahatnaməyə görə, məktəbəqədər təhsil müəssisəsinin sökülməsi işlərinin təcili surətdə alınmasına iki dəfə elan edilmiş tenderin baş tutmamasından sonra ehtiyac yaranıb.

“Tsereteli kəndində yerləşən uşaq bağçası binasının sökülməsi işlərinin aparılması və bununla yanaşı sökülməsi üçün smeta sənədlərinin tərtib edilməsi xidməti üçün lazımi tədbirlərin təmin edilməsi məqsədi ilə təcili surətdə, sadələşdirilmiş qaydada alqı-satqı lazım gəlib. Çünki

bununla bağlı iki dəfə elan edilmiş tender baş tutmayıb. Müvafiq olaraq, payızda tədris ili başlayana qədər uşaq bağçası binasının tikintisi və istismara verilməsi prosesinin başa çatmama təhlükəsi var. Marneuli meriyasının Maliyyə-Büdcə Xidmətinə sərəncamın birinci bəndini yerinə yetirmək üçün müəyyən edilmiş tədbirlərin qüvvədə olan qanunvericiliklə nəzərdə tutulmuş qaydaya uyğun olaraq həyata keçirilməsi tapşırılsın”, – izahatnamədə yazılıb.

Bağçanın sökülməsi bir neçə mərhələdən ibarətdir:

• Müvafiq olaraq, binanın/tikilinin sökülməsi üçün layihə sənədlərinin tərtib edilməsi xidməti
• Köhnə uşaq bağçasının bina/tikilisinin sökülməsi
• Bina-tikilinin sökülməsi nəticəsində, sahibi üçün – Marneuli yerli özünüidarəsi üçün dam örtüyü materialının/qapı və pəncərələrin yığılması üçün lazımi şərtlərin/tələblərə riayət olunması/nəzərə alınması və sifarişçinin göstərdiyi yerdə yığılması
• Ərazinin tullantılardan təmizlənməsi

Tsereteli uşaq bağçası qəzalı vəziyyətdə olan binaya görə, təcili qaydada 2023-cü ilin 17 fevralında bağlanıb və tədris prosesi dayandırılıb. Yeni binanın tikintisini Bələdiyyələrin İnkişafı Fondu planlaşdırır.