Saimerloda futbol meydançası bərpa olunacaq
Marneuli bələdiyyəsinin Saimerlo kəndində mövcud futbol meydançası bərpa olunacaq. Marneuli meriyası bərpa üçün büdcədən 108 445 lari ayırıb və tender elan edib.

Tender sənədlərinə əsasən, basketbol sipərinin sökülməsi, torun çıxarılması, işıqların çıxarılması və s. planlaşdırılır. 

"Arkgzakomunproject" MMC-nin tərtib etdiyi bərpa layihəsi ilə nəzərdə tutulub:

“Sökmə və quraşdırma işləri aparılmalıdır. Sökülmə işləri çərçivəsində layihəyə uyğun olaraq mövcud metal şəbəkə, meydançanın süni ot örtüyü söküləcək, meydançanın basketbol sipərləri, futbol qapıları da söküləcək, zədələnmiş LED işıqlar söküləcək. Eləcə də tribunanın taxta materialı da söküləcək. Layihə çərçivəsində nəzərdə tutulub: Yeni dəmir tor quraşdırılsın, layihəyə əsasən, 40x40x3
metal kvadratlar quraşdırılsın, basketbol sipərləri və futbol qapıları quraşdırılsın, meydançanın, tribunaların metal konstruksiyaları qoyulsun. Korroziyaya qarşı boya ilə 2 qat boyansın, yeni süni örtük qoyulsun və LED işıqlandırma quraşdırılsın”
- tenderin açıqlamasında yazılıb.

Meriyanın elan etdiyi tenderdə iştirak etmək istəyən şirkətlər 3-8 iyul tarixlərində tenderdə iştirak edə biləcəklər. Qalib şirkət müqavilə imzalandıqdan sonra 20 gün ərzində işləri meriyaya təhvil verməlidir.


Print ელ. ფოსტა
FaceBook Twitter Google