"Gürcü Arzusu"nun Marneulidəki nümayəndəsi Zaur Darğallı seçkiqabağı yalnız kişilərlə görüş keçirib. Fotoları Darğallının majoritar bürosunun nümayəndəsi yayımlayıb və deputatı işarələyib.



Yayımlanmış fotolarda məkan konkret qeyd olunmayıb, ancaq yazılıb ki, əhali ilə Marneuli bələdiyyəsində görüş keçirilib. Fotomateriala baxsaq görərik ki, görüşdə heç bir qadın iştirak etməyib, çay süfrəsində yalnız kişilər otururlar.




“Marneuli” radiosu görüşün əks olunduğu fotolardan 100-ə yaxın kişi sayıb.
Zaur Darğallıdan başqa seçkiqabağı görüşdə Marneuli bələdiyyə nümayəndələri də iştirak ediblər. Həmçinin, Marneuli Bələdiyyə Məclisinin sədri Amiran Qiorqadze.



“Marneuli” radiosu Amiran Qiorqazdedən 10 sentyabr tarixində xahiş edib ki, görüşün keçirilməsi haqqında bizə məlumat versin. O, vəd verdi ki, məlumat verəcəkdi,ancaq hələ də verməyib.
Bu kiçik bələdiyyədə yalnız kişilərlə görüş keçirilən ilk hal deyil. Əgər haradasa qadınlar görünərsə bu məktəb və bağça resursundan istifadə edərək baş verir. Görüşlərdə əsasən bağça və məktəbin qadın pedaqoqları iştirak edirlər.
Gürcü Arzusu ötən həftə rəsmi olaraq seçki kampaniyasının başlanmasını anons edib. İndiki mərhələdə bizdə olan məlumata görə, görüş Tsopi, Xocorni, Opreti, Çanaxçı, Ağkörpü, Araflı, Aşağı Saral və Şulaveridə keçirilib.