Marneuli Bələdiyyəsi Novruz Bayramına dəvət olunan qonaqlar üçün 15 760 lariyə süfrə açıb.

Yerli özünüidarə fərdi sahibkar Vladimer Kimadze ilə sadələşdirilmiş müqavilə imzalayıb. Kimadze "Qamatğave" restoranının sahibidir.

Sadələşdirilmiş müqavilədə qonaqların kimliyi, sayı, qida məhsullarının siyahısı göstərilmir. Meriya əvvəllər bu sənədi tenderlərə daxil edirdi, lakin “Marneuli” radiosu oxşar məzmunlu tenderləri fəal şəkildə dərc etdiyinə görə sənəd sadələşdirilmiş müqavilələrdən çıxarılıb.

“Xatırladaq ki, bu il martın 21-də Marneuli meriyasında Novruz bayramı münasibətilə müxtəlif dövlət struktur bölmələrindən dəvət olunmuş qonaqlar qəbul olunur. Ona görə də həmin qonaqları nahar yeməyi ilə qarşılamalıyıq. Xahiş edirik, qonaqların qəbulunu təmin etmək və alqı-satqı ilə bağlı mövcud qanunvericiliklə müəyyən edilmiş qaydada tədbirlərin həyata keçirilməsi üçün müvafiq xidmətlə bağlı tapşırıq verəsiniz” – izahatnamədə yazılıb.

Büdcədən 15 760 lari ayrılması barədə sərəncamı Marneuli meri Kənan Ömərov imzalayır.

Marneulidə Novruz Bayramı şənliyi 156 450 lariyə başa gəlib. Tədbirdə “Gürcü Arzusu”nun prezidenti Mixeil Kavelaşvili, baş nazir İrakli Kobaxidze, Parlamentin sədri Şalva Papuaşvili və digər nümayəndələr iştirak ediblər.

Örtük şəkli: 21 mart 2025-ci il, Novruz Bayramı tədbirindən

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---