Bu gün, fevralın 4-də “Gürcü Arzusu” Parlamentinin yaz sessiyası açılıb.

Sessiyada “Gürcü arzusunun” prezidenti dinlənilib.

Reqlamentdə prezidentin yaz sessiyasının ilk iclasında illik məruzə ilə çıxış etməsi nəzərdə tutulub. Çıxışdan sonra fraksiya sədrləri və parlament çoxluğunun lideri çıxış edir.

Parlamentin mətbuat xidmətinin göndərdiyi açıqlamaya görə, hesabatdan sonra Mamuka Mdinaradze və “Xalqın gücünün” lideri Dimitri Xundadze çıxış edəcəklər.
Buna baxmayaraq, Kavelaşvilinin məruzəsindən sonra çıxış etmək istəyənlər olmadığından sessiya 28 dəqiqəyə başa çatıb.

Xəbərə gəlincə, “Gürcü Arzusunun” prezidenti “Gürcü Arzusu”nun sülh, kənar müdaxilə, inqilab etmək cəhdləri, milli siyasət və işğaldan azad edilməsi ilə bağlı ənənəvi təbliğat və anti-Qərb mesajlarını təkrarlayıb.

O, Donald Trampın effekti adlandırdığı “Donald Trampın qələbəsindən sonra dünyada psevdoliberal nizamda dəyişiklik başlanmasından” danışıb.

O, həmçinin verdiyi əfv aktını bir daha izah edərək, qurumlarla sıx müddətdə fəal işlədiklərini və humanizm prinsipini rəhbər tutduqlarını vurğulayıb.
Parlamentdə Mixeil Kavelaşvilinin çıxışı zamanı mediaya məhdudiyyətlər qoyulub. Onlayn medianın binaya girişi yenidən qadağan edilib.

Kavelaşvilinin çıxışı ilə eyni vaxtda media nümayəndələri və vətəndaşlar parlamentin qarşısında Mzia Amağlobelinin və digər qanunsuz məhbusların azad edilməsi tələbi ilə nümayiş keçirirdilər.

Polis onların hərəkətini məhdudlaşdırıb və güc tətbiq edib. “Publika”nın fotomüxbiri döyülüb. Bir neçə nəfərin saxlanıldığı iddia edilir.

Sessiya başa çatandan sonra “Gürcü arzusunun” deputatları etiraz sədaları altında parlamentdən çıxarılıb.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---