Gürcüstan Parlamentində “Diplomatik xidmət haqqında” qanunda dəyişikliklər müzakirə olunur. İvanişvili hökumətinin təşəbbüsü ilə hazırlanmış qanun layihəsinə əsasən, diplomatik vəzifə daşıyan şəxsin vaxtından əvvəl geri çağırılması o halda da mümkün olacaq ki, onun fəaliyyəti ölkənin maraqlarına və ya beynəlxalq imicinə mənfi təsir göstərmiş olsun.

Qanun layihəsinin Parlamentin komitələrində müzakirəsinə bu gün, 13 may tarixində start verilib.

Layihəyə əsasən, rotasiya qaydasında xarici ölkələrdə diplomatik nümayəndəliklərə və konsulluqlara ezam olunmuş şəxslərin işgüzar səfəri aşağıdakı hallarda vaxtından əvvəl sona çata bilər:

“Əgər ezam edilmiş diplomat xarici işlər nazirinin inzibati-hüquqi aktı ilə təsdiqlənmiş etik və davranış normalarını pozarsa , bu pozuntu ölkənin maraqlarına, yaxud imicinə zərər vurarsa, ya da həmin şəxsin fəaliyyəti Gürcüstan Parlamenti tərəfindən müəyyən edilmiş xarici siyasət kursuna, nazirliyin maraqlarına zidd olarsa, bu hallar onun vaxtından əvvəl geri çağırılması üçün hüquqi əsas hesab ediləcək.”

Layihədə eyni zamanda vurğulanır ki, Gürcüstanın demokratik dövlət kimi imicinin beynəlxalq aləmdə təşviqi məqsədilə diplomatların uzunmüddətli ezamiyyəti nəzərdə tutulur. Lakin, əgər belə bir şəxsin fəaliyyəti ezamiyyətin məqsədinə uyğun deyilsə, qanun onun vəzifədən vaxtından əvvəl geri çağırılmasını təmin etməlidir.

Qanun layihəsinin komitələrdə müzakirəsi növbəti günlərdə davam edəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---