“Gürcü Arzusu” hökumətinin baş naziri İrakli Kobaxidze partiyanın ofisində brifinq keçirib. O, bir tərəfdən bələdiyyə seçkilərində iqtidar partiyasının nəticələri barədə danışıb, digər tərəfdən isə Tbilisidə keçirilən hökumət əleyhinə aksiyanı qiymətləndirib.

Kobaxidzenin sözlərinə görə, onların seçki qərargahlarının məlumatına əsasən, “Gürcü Arzusu” bütün bələdiyyələrdə, o cümlədən Tbilisidə, 70%-dən yüksək nəticə göstərib.

“Xalqın bu qədər yüksək etimadını çox qiymətləndiririk və bir daha vəd veririk ki, bu etimadı doğrultmaq üçün əlimizdən gələni edəcəyik,” – deyə Kobaxidze bildirib.

Aksiyaya gəlincə, o, bunu “adi partiya mitinqi” adlandırıb və qeyd edib ki, “radikal müxalifətin bu toplanışı çox zəif görünür.”

Jurnalistin “əgər mitinqə çox az adam çıxıbsa, niyə bu qədər çox polis qüvvəsi səfərbər edilib?” sualına Kobaxidze belə cavab verib:

“Polis qüvvələri standart protokola əsasən səfərbər olunub. Bildiyiniz kimi, son dörd il ərzində dörd dəfə inqilab cəhdi olub. Hər dəfə 500–1000 nəfər arasında insan zorakılığa əl atırdı, buna görə dövlət institutlarına hücumların qarşısını almaq üçün güc strukturlarının müdaxiləsi tələb olunurdu. Bu dəfə də hüquq-mühafizə orqanları eyni standart protokola əsasən hərəkət edir və hər şey qanunvericiliyə uyğun şəkildə həyata keçiriləcək.

Zorakılıq cəhdi olarsa, ona proporsional güc tətbiq olunacaq. Heç vaxt ‘dağıtma’ halı olmayıb; əgər nəyəsə ‘dağıtma’ deyilə bilərsə, o, mitinq iştirakçılarının polisə qarşı zorakılığı idi. Hüquq-mühafizə orqanları toplaşmaları yalnız dövlət maraqlarını qorumaq məqsədilə dağıdıb və bu dəfə də kim qanunu pozmağa cəhd etsə, sərt, amma proporsional cavab alacaq,” – deyə Kobaxidze bildirib.

Tbilisidə bələdiyyə seçkiləri ilə paralel keçirilən mitinqdə iştirak edən vətəndaşlar bu seçkilərə etimad göstərmədiklərini, onlarda iştirak etmədiklərini bəyan edir, siyasi məhbus sayılan təxminən 60 nəfərin azadlığa buraxılmasını və yeni parlament seçkilərinin keçirilməsini tələb edirlər.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.