Diş fırçası əsl “mini ekosistemdir” – onun üzərində milyonlarla mikroorqanizm yaşayır. Mikrobioloqların və stomatoloqların araşdırmalarına əsasən, bir diş fırçasında 1 milyondan 12 milyona qədər bakteriya və göbələk ola bilər. Bu mikroorqanizmlər ağız boşluğundan, dəridən və ətraf mühitdən fırçanın üzərinə keçir.

Diş fırçasında bizi nə gözləyir?

Zərərli bakteriyalar: Fırçanın üzərində streptokok və stafilokok kimi zərərli bakteriyalar məskunlaşır, hansılar ki, kariyesin yaranmasına səbəb olur.

Hamam mikrobları: İsti və rütubətli mühitə görə, hamam otağında saxlanılan fırçalar çirklənməyə daha çox meyillidir. Tədqiqatlar göstərib ki, diş fırçalarında bağırsaq infeksiyalarına səbəb olan mikroblar – E. coli, Candida mayası və digər növlər – aşkarlanıb.

Tualetin “buludu”: Tualet hər dəfə su ilə yuyularkən, havaya 1,5 metrə qədər məsafədə nəcisin mikroskopik hissəcikləri yayılır. Bu hissəciklər COVID-19, qrip və ya norovirus kimi yoluxucu virusları daşıya bilər və nəticədə diş fırçasının üzərinə çökür.

Təmizliyi necə qoruyaq?

Bağlamayın: Mütəxəssislər fırçanın başlığını örtməməyi və onu qapalı qabda saxlamamağı məsləhət görürlər, çünki rütubətli mühit mikrobların çoxalmasını sürətləndirir.

Mütləq dəyişmə: Diş fırçası təxminən üç aydan bir dəyişdirilməlidir. Köhnəlmiş tüklər daha çox bakteriya toplayır. İmmuniteti zəif olan şəxslərə isə fırçanı daha tez-tez dəyişmək tövsiyə olunur.

İstifadədən sonra fırçanı otaq temperaturunda, başı yuxarı vəziyyətdə qurumağa qoymaq mikrobların miqdarını azaldır.

Ən effektiv üsullar – fırçanı antiseptik ağız yaxalayıcı məhlula (xlorheksidin) və ya 1%-lik sirkə məhluluna 5–10 dəqiqəlik salmaqdır.

Əgər hamam otağında tualet də yerləşirsə, diş fırçasını ondan mümkün qədər uzaqda saxlayın və hər dəfə suyu çəkərkən tualet qapağını bağlayın.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---