70 տարեկանից ցածր թոշակառուների կենսաթոշակը հունվարի 1-ից 20 լարիի փոխարեն կավելանա 45 լարիով և կդառնա 415 լարի

70 տարեկանից ցածր թոշակառուների կենսաթոշակը հունվարի 1-ից կդառնա 415 լարի:

Այս մասին կառավարության աշխատակազմում կայացած ճեպազրույցում այսօր՝ հոկտեմբերի 12-ին, հայտարարեց «Վրացական երազանք»-ի կառավարության ղեկավար Իրակլի Կոբախիձեն:

«Որոշում ենք կայացրել 70 տարեկանից ցածր թոշակառուների համար նախատեսված կենսաթոշակը, ինդեքսավորման կանոնով նախատեսված 20 լարիի փոխարեն, ավելացնել 45 լարիով»,
- հայտարարեց Կոբախիձեն: Նրա խոսքով՝ փոփոխությունը պետական բյուջեում կենսաթոշակների համար հատկացված ծախսերի լրացուցիչ

128 միլիոն լարիով ավելացում կպահանջի:

Մինչ այդ, բյուջեի նախագծով բնակչության կենսաթոշակային ապահովման համար նախատեսված էր 5570 միլիոն լարի:

20-ի փոխարեն 45 լարիով կենսաթոշակի ավելացման հնարավորությունը, Իրակլի Կոբախիձեի հայտարարությամբ, ընձեռել է տնտեսական աճի ցուցանիշը:

Կոբախիձեի համաձայն՝ «թույլատրելի նորմայի սահմաններում, առաջիկա տարիներին նույնպես առավելագույնս կփորձեն 70 տարեկանից ցածր թոշակառուների կենսաթոշակն ավելացնել ինդեքսավորման կանոնից դուրս»:

Վրաստանի օրենսդրությամբ՝ իշխանությունը պարտավոր է 70 տարեկանից ցածր թոշակառուի կենսաթոշակն ամեն տարի ավելացնել առնվազն ինֆլյացիայի ցուցանիշով, սակայն ոչ պակաս, քան 20 լարիով: Սեպտեմբերին տարեկան միջին ինֆլյացիան կազմել է 5,1 տոկոս:

Բյուջեի նախագծով նախատեսվում է կենսաթոշակի ավելացում նաև այլ խմբերի համար.

Խիստ արտահայտված և մինչև 18 տարեկան հաշմանդամություն ունեցող անձանց սոցիալական վճարը կավելանա 60 լարիով;

Մյուս կատեգորիաների հաշմանդամություն ունեցող անձանց վճարը կավելանա 20 լարիով:

Հաջորդ տարի ավելանում են բարձրաստիճան պաշտոնյաների, դատավորների և հանրային ծառայության աշխատակիցների աշխատավարձերը: Նրանց աշխատավարձերի ավտոմատ աճի մասին գրանցումն օրենքում առկա է 2024 թվականի մարտից:

Վրաստանի օրենսդրությամբ՝ բարձր քաղաքական պաշտոնատար անձանց և դատավորների աշխատավարձերը ֆիքսված չեն: Դրանք ամեն տարի վերասահմանվում և հաշվարկվում են երկու գործոնով՝ բազային աշխատավարձի և խորհրդարանի կողմից սահմանված գործակցի արտադրյալով: Գործակիցներն անփոփոխ են, իսկ բազային աշխատավարձն ամեն տարի սահմանվում է նորից և արտացոլվում բյուջեում:

Օրինակ, անցյալ (2025) թվականին Վրաստանում բազային աշխատավարձը 1460 լարի էր, այս տարի՝ 1600, իսկ հաջորդ տարի կդառնա 1735 լարի:

Ում աշխատավարձը որքան կդառնա.

Նախագահինը, վարչապետինը, խորհրդարանի նախագահինը կավելանա 1350 լարիով և կդառնա 17 350 լարի;

Խորհրդարանի նախագահի տեղակալինը՝ 1215 լարիով և կդառնա 15 615 լարի;

Նախարարներինը, խորհրդարանի խմբակցությունների նախագահներինը՝ 1148 լարիով և կդառնա 14 748 լարի;

Պատգամավորների աշխատավարձը՝ 1080 լարիով և կդառնա 13 880 լարի:

 

Print ელ. ფოსტა
FaceBook Twitter Google