70 տարեկանից բարձր անձանց
արգելվում է տնից դուրս գալ։ Բացառությամբ որոշակի
դեպքերի։
Այս մասին հայտարարել է Վրաստանի վարչապետ Գիորգի Գախարիան
կառավարության աշխատակազմի հատուկ ճեպազրուցում այսօր՝ մարտի 30-ին և
նշել է , որ 70-ն անց անձիք տանից կարող են դուրս գալ միայն այն
պարագայում, եթե գնում են տան մոտակայքում գտնվող խանութներ կամ
բժշկական հաստատություն։
«Արգելվում է մեր 70 անց քաղաքացիներին տանից դուրս գալ, բացառությամբ
, եթե նրանք գնում են մոտակա մթերային խանութներ , մոտակա դեղատուն և
մոտակա բժշկական հաստատություն։ Այն պարագայում , եթե մեր 70-ն անց
քաղաքացիները միայնակ են ,էկոնոմիկայի նախարարությունը,
Առողջապահության նախարարությունը և տեղական քաղաքապետարանները
պարտավոր են օգնել նրանց»,- ասել է վարչապետը։
Գիորգի Գախարիան հայտարարել է, որ արտակարգ դրության ռեժիմն ավելի է
խստացվել։ Արտակարգ դրության պայմաններում հայտարարվել է նաև
պարետային ժամ։ Քաղաքացիները երեկոյան 21։00-ից մինչև առավոտյան
06։00-ն չեն կարողանա տեղաշարժվել փողոցներում։
Վրաստանում արտակարգ դրություն է հայտարարվել մարտի 21-ից։
Մարտի 23-ից Մառնեուլիի և Բոլնիսիի համայնքներում հայտարարվել է խիստ
կարանտինային ռեժիմ։ Այս որոշումը կառավարությունը կայացրել է այն
բանից հետո, երբ մառնեուլցի կնոջ մոտ կորոնավիրուս է հայտնաբերվել և
չի պարզվել վարակի աղբյուրը։
Մարտի 30-ի տվյալներով , Վրաստանում կորոնավիրուսի վարակման 98 դեպք է
հաստատվել։ Այս պահին 18 մարդ բուժվել է։
30․03․2020
«Ռադիո Մառնեուլի»
Թարգմ․՝ Մարգարիտա Միսկարյան