«Մենք հայտարարում ենք
համընդհանուր կարանտին, որն ուժի մեջ կմտնի առավոտյան ժամը
08։00-ից։
Այս կարանտինը նշանակում է , որ լիովին արգելված է ցանկացած տեսակի
հասարակական տրանսպորտով, այդ թվում նաև մետրոյով երթևեկելը, ինչպես
քաղաքներում, այդպես էլ համայնքների ներսում և քաղաքների միջև»,- այս
մասին հայտարարել է Վրաստանի վարչապետ Գիորգի Գախարիան կառավարության
աշխատակազմում կայացած արտակարգ ճեպազրույցում։
Գախարիայի խոսքով ավելի է խստացվել արտակարգ դրության ռեժիմը։
Արտակարգ դրության պայմաններին է ավելանում նաև պարետային ժամ։
Քաղաքացիները երեկոյան 21։00-ից մինջև առավոտյան 06։00-ն չեն կարողանա
տանից դուրս գալ։
Վրաստանում արտակարգ դրություն է հայտարարվել մարտի 21-ից։
Մարտի 23-ից Մառնեուլիի և Բոլնիսիի համայնքներում հայտարարվել է խիստ
կարանտինային ռեժիմ։ Այս որոշումը կառավարությունը կայացրել է այն
բանից հետո, երբ մառնեուլցի կնոջ մոտ կորոնավիրուս է հայտնաբերվել և
չի պարզվել վարակի աղբյուրը։
Մարտի 30-ի տվյալներով , Վրաստանում կորոնավիրուսի վարակման 100 դեպք
է հաստատվել։ Այս պահին 18 մարդ բուժվել է։
30․03․2020
«Ռադիո Մառնեուլի»
Թարգմ․՝ Մարգարիտա Միսկարյան