Մառնեուլիի մունիցիպալիտետի մշակույթի կենտրոնը Խոժոռնիում  կանցկացնի «Շին» բազմազգ փառատոնը:

Մշակույթի կենտրոնի հայտարարության համաձայն՝ փառատոնը կանցկացվի Խոժոռնի  գյուղում նոյեմբերի 19-ին՝ ժամը 14:00-ից սկսած։

«Մենք ձեզ հրավիրում ենք «Շին» փառատոնին՝ միասին նշելու բազմազանությունը, կիսվելու երաժշտությամբ, մունիցիպալիտետում ապրող տարբեր էթնիկ խմբերի պարուսույցներով, ծանոթանալու ժողովրդական ավանդույթներին, արվեստին և, ամենակարևորը, զգալու միասնություն բազմազանության մեջ», - ասվում է Մշակույթի կենտրոնի հայտարարության մեջ։

«Շին» փառատոնը այս տարի անցկացվում է երկրորդ անգամ՝ կազմակերպված Մառնեուլիի մունիցիպալիտետի մշակույթի կենտրոնի կողմից: Առաջին փառատոնը տեղի է ունեցել նոյեմբերի 2-ին «Գադաճրիլի  Գորա» հնագիտական ​​վայրի մոտ։

Մշակութային կենտրոնի հայտարարության համաձայն՝ «Շին» նախագիծը դարձել է մրցույթի հաղթող նախաձեռնությունը՝ «Էթնիկ փոքրամասնությունների մշակութային ինքնության պահպանման համար ստեղծագործական գործունեության խթանում» ծրագրի շրջանակներում։

«Փառատոնն իրականացվում է Մշակույթի նախարարության և «Ստեղծագործ Վրաստան»-ի աջակցությամբ և նվիրված է ՅՈՒՆԵՍԿՕ-ի կոնվենցիա-փաստաթղթի ընդունման 20-ամյակին, որը ծառայում է մշակութային ինքնարտահայտման բազմազանության պաշտպանությանը և խթանմանը»։ - նշվում է Մշակույթի տան հայտարարության մեջ։

Մառնեուլիի մունիցիպալիտետի մշակույթի տունը պայմանագիր է կնքել «GT Holding» ՍՊԸ-ի հետ՝ «Շին» փառատոնը անցկացնելու համար և ընկերությանը վճարել է 146 500 լարի՝ միջոցառման կազմակերպման համար։

"Ռադիո Մառնեուլի"
Թարգմ․ ՝ Մարգարիտա Միսկարյան