Մառնեուլիի մունիցիպալիտետի տեղական ինքնակառավարումը նախատեսում է
ձեռք բերել 58 հազար լիտր խմելու ջուր։
Մառնեուլիի քաղաքապետարանը խմելու ջրի գնման մրցույթ է հայտարարել
դեկտեմբերի 23-ին։ Մրցութային առաջարկի համաձայն՝ քաղաքապետարանը
նախատեսում է ձեռք բերել նաև ջրատարներ և բաժակներ։
«Հիդրոկարբոնատ-կալցիումային տիպի չգազավորված ջուր, ոչ պակաս, քան 19
լիտրանոց պոլիկարբոնատային տարա, որը նախատեսված է ջրատարի համար՝
3000 հատ։ Խմելու հանքային ջուր, 0,5լ շիշ - շշի նյութը՝ պոլիէթիլեն,
հերմետիկ կափարիչով, ֆիրմային պիտակով, համապատասխան կցված
տվյալներով՝ 2000 հատ և մեկանգամյա օգտագործման պլաստիկե բաժակով՝
10000 հատ»,- նշված է մրցութային առաջարկում։
Մրցութային առաջարկի համաձայն՝ հաղթող ընկերությունը ջրատարների հետ
միասին պետք է տրամադրի 36 ջրատարներ, որոնք անվճար ժամանակավոր
օգտագործման կտրամադրվեն քաղաքապետարանին։
Մառնեուլիի քաղաքապետարանը նախատեսում է խմելու ջուր գնել 31822
լարիով։ Մրցութային առաջարկի համաձայն՝ հաղթող ընկերությունը պետք է
աստիճանաբար խմելու ջուր մատակարարի քաղաքապետարանին մինչև 2023
թվականի դեկտեմբերի 30-ը։
"Ռադիո Մառնեուլի"
Թարգմ․ ՝ Մարգարիտա Միսկարյան