2022 թվականին Մառնեուլիի գրադարանից վերցվել է 3766 գիրք․ Այսօր գրքի ընթերցանության համաշխարհային օրն է
Այսօր՝ փետրվարի 1-ին, գրքի ընթերցանության համաշխարհային օրն է։
Գրքի ընթերցանության համաշխարհային օրը նշվում է նաև Մառնեուլիի
հանրային գրադարանում։ «Ռադիո Մառնեուլի» հետ զրույցում
Մառնեուլիի հանրային գրադարանի ղեկավար Լանա Խեխելաշվիլին ասաց, որ
Մառնեուլիի գրադարանն այս օրը նշում է իր հիմնադրման օրվանից և ամեն
տարի անցկացնում տարբեր միջոցառումներ։
«Այսօր էլ փոքր միջոցառում ենք նախատեսում եւ սպասում ենք
հյուրերի տարբեր դպրոցներից։ Բացի այդ, մեր ֆեյսբուքյան էջում փոքրիկ
տեսանյութ է տեղադրվել այս օրվա և ընդհանրապես գրադարանի գոյության ու
կարևորության մասին։ Հավանաբար բոլորը կհամաձայնեն, որ գրադարանի
գոյությունը շատ նշանակալից է մեր շրջանի համար, այն
գրականությունից օգտվելու միջոց է բոլորի համար։ Մեր ծառայություններն
անվճար են, և տարբեր տարիքի ընթերցողներին առաջարկում ենք հետաքրքիր
գրականություն՝ ինչպես գեղարվեստական, այնպես էլ
մասնագիտական», - ասում է Լանա Խեխելաշվիլին։
Մառնեուլիի հանրային գրադարանի ղեկավարի խոսքով, գրադարանի
ընթերցողների մեծամասնությունը երիտասարդներ և դպրոցահասակ երեխաներ
են, թեև նրանց ծառայություններից օգտվում են նաև մեծերը, կան նաև
տարեց ընթերցողներ, ովքեր ամեն օր այցելում են Մառնեուլի հանրային
գրադարան։
Գրադարանի պաշտոնական վիճակագրության համաձայն՝ 2022 թվականին
ընթերցանության է հանվել 3766 գիրք, որից 1751-ը՝ վրացալեզու, 2015-ը՝
օտարալեզու։ Անցած տարվա ընթացքում Մառնեուլիի հանրային գրադարանում
գրանցվել է 299 նոր ընթերցող, այդ թվում՝ 64 էթնիկ վրացի, և 235 էթնիկ
փոքրամասնությունների ներկայացուցիչներ։ Ըստ վիճակագրական տվյալների՝
գրադարանի դահլիճը 2022 թվականին օգտագործվել է 475 անգամ։ Մառնեուլիի
հանրային գրադարանը վերջին մեկ տարվա ընթացքում իրականացրել է 18
միջոցառում։
"Ռադիո Մառնեուլի"
Թարգմ․ ՝ Մարգարիտա Միսկարյան