Մառնեուլիի քաղաքապետարանի կայքի վերականգնման ստույգ ժամանակը հայտնի չէ։

Արդեն մեկ ամսից ավելի է, ինչ կայքը ամբողջությամբ փակվել է և չի գործում։ Հուլիսի 31-ին «Ռադիո Մառնեուլի»-ին ինքնակառավարումից հայտնել են, որ կայքը շուտով գործարկվելու է, սակայն հայտարարությունից մեկ ամիս անց էլ կայքը չի գործում։ Կայքը ստեղծվել է «Պրոսերվիս» ՍՊԸ-ի կողմից։

Ընկերության ներկայացուցիչները մեզ հետ զրույցում ասում են, որ կախված են քաղաքապետարանից, որը պետք է որոշի սերվերի գտնվելու վայրը։

Մանրամասները պարզելու համար կապ հաստատեցինք Մառնեուլիի քաղաքապետարանի հասարակայնության հետ կապերի ծառայության ղեկավար Դավիթ Չիկաձեի հետ, ով մեզ հայտնեց, որ կայքի թարմացման աշխատանքները ավարտական ​​փուլում են, բանակցություններ են ընթանում սերվերի տեղադրման հետ կապված, թեև  վերականգնման կոնկրետ ժամանակը չի նշվում։

«Մենք աշխատում ենք, կայքը թարմացման փուլում է, մենք գրեթե ավարտին ենք, և կայքը շատ շուտով կթարմացվի»,- ասել է Դավիթ Չիկաձեն։

Կայքի անջատման մասին տեղեկությունը տեղական ինքնակառավարումը սոցիալական ցանցերում չի տարածել։

Տեղական ինքնակառավարումը որոշել է պարզեցված ձևով ստեղծել նոր կայք, որի դիմաց «Պրոսերվիս» ՍՊԸ-ին վճարել է 7500 լարի։

Համաձայն պայմանագրի տեխնիկական հանձնարարության՝ կայքի նախագծում պետք է հայտնվի քաղաքապետարանի տարբերանշանը և անվանումը։ Նաև կայքը պետք է աջակցի վրացերեն և անգլերեն լեզուների միջև անցման գործառույթին:

Ահա, թե ինչ կարող եք տեսնել քաղաքապետարանի նորացված կայքում ՝ 

• Տեքստային էջ (Քաղաքապետարանի, սակրեբուլոյի մասին)
• Տեսարժան վայրեր
• Մոդուլ ինչպես քաղաքապետարանի, այնպես էլ քաղաքապետարանի սակրեբուլոյի պաշտոնյաների համար
• Քաղաքապետարանի ծառայություններ
• Պատվերներ
• Նիստի արձանագրություն
• Մրցույթներ
• Հաշիվներ
• Նորություններ
• Բյուրոներ
• Հանձնաժողովներ
• Կոտորակներ
• Սոցիալական ծրագրեր
• Հայտարարություններ
• Լուսանկարների պատկերասրահ
• Տեսադարան
• Կապ

"Ռադիո  Մառնեուլի"
Թարգմ․  ՝   Մարգարիտա  Միսկարյան