Քվեմո Քարթլիի 6 դպրոց այս տարի առաջին դասարանցի չունի։

«Ռադիո Մառնեուլին» վիճակագրություն է խնդրել տեղական ռեսուրս կենտրոններից։ Ինչպես մեզ հետ զրույցում նշեց Դմանիսիի ռեսուրսային կենտրոնի ղեկավարը, քաղաքապետարանում կա 2 դպրոց, որտեղ այս տարի առաջին դասարանցիներ չեն ընդունել՝ Գուգութի գյուղը և Կիզիլաջլո գյուղը։

Ծալկայի գյուղերից մեկի դպրոցում  ևս այս տարի առաջին դասարանցիներ չեն գրանցվել։ Ինչպես պարզաբանեց նույն քաղաքապետարանի ռեսուրս կենտրոնի ղեկավարը, Դաշբաշի  գյուղում առաջին դասարանցի չկա։ Նույն գյուղի դպրոցում  սովորում է 7 աշակերտ։

Մառնեուլիում այս տարի երեք դպրոց կա, որտեղ առաջին դասարանցիներ չեն ընդունվել։ Ռեսուրս կենտրոնի ներկայացուցիչ Իրմա Դավաձեի խոսքով, Սիոնի գյուղում, Ծերակվիի և Ագկուլայի հանրակրթական դպրոցներում առաջին դասարանցիներ չկան։

Բոլնիսի և Գարդաբանի ռեսուրս կենտրոնների ներկայացուցիչները մեզ հետ զրույցում ասացին, որ իրենց համայնքներում չկան դպրոցներ, որտեղ այս տարի առաջին դասարանցիներ չընդունեն։

Ինչ վերաբերում է Քվեմո Քարթլիի մեկ այլ մունիցիպալիտետին՝ Թեթրիծկարոյին , նույն ռեսուրսային կենտրոնի ներկայացուցիչը մեզ տեղեկություն չտրամադրեց և ուղղորդեց Կրթության նախարարության մամուլի կենտրոն։
«Ռադիո Մառնեուլի»-ն   քաղաքապետարանների ռեսուրս կենտրոնների ներկայացուցիչներից հետաքրքրվեց, թե որն է առաջին դասարանցի չունենալու հիմնական պատճառը։ Դրա հիմնական պատճառն է  նշվել արտագաղթը։

Լուսանկար՝ (Դմանիսի, գյուղ Գուգութի) Ռադիո Մառնեուլիի արխիվ

"Ռադիո  Մառնեուլի"
Թարգմ․  ՝  Մարգարիտա  Միսկարյան