Marneulidə neçə ildir ki, əhalini marşrut taksilərin qaydasız
hərəkət etmək qrafiki narahat edir.
Onların dediyinə görə, əsas problem bir nömrəli nəqliyyat
vasitəsindədir. Gec hərəkət edir və eyni zamanda çox sayda sərnişin
daşıyır. Sərnişinlər bundan narazıdırlar.
Nəqliyyat vasitəsində xüsusən də yayda xoşagəlməz qoxu olur. Bundan
əlavə nəqliyyat vasitəsi kəndlərə axşam saatlarına qədər
işləmir.
Marneuliyə cəmi iki nəqliyyat şirkəti xidmət göstərir - "Marneuli
bələdiyyəsinin avtoparkı" MMC, şirkətin direktoru Qiqa Calağniyadır
və "Ekspres turist" MMC şirkətin direktoru Yuri Samxaradzedir.
Calağniyanın dediyinə görə saatların artırılmasını planlaşdırırlar
amma nə vaxt buna cavabı yoxdur.
“İndi çalışmalar gedir ki, yaxın gələcəkdə vaxtı
artıraq. Planlaşdırılır və həyata keçiriləndə əhaliyə də məlumat
verəcəyik” - deyə bildirdi Qiqa Calağniya.
Yuri Samxaradze isə bizimlə söhnət zamanı qeyd etdi ki nəqliyyatın
qaydasız qrafiki meriyanın balansında olan nəqliyyat vasitələrinə
görə yaranır və hesab edir ki, əgər onların nəqliyyatı
Saimerlo-Sereteli istiqamətində hərəkət edərsə problem heç onlarda
da olmayacaq və hərəkət də davamlı olacaq.
“Necə yəni yetərli deyil. Bələdiyyənin avtomobilləri
başımızı qatıblar. Başdan dedik ki, Sereteliyə qədər gedək onlar
razılaşmadılar və pereyezd adlanan yerə qədər gedirlər. Biz özəl
şirkətik və gəlirə görə çalışırıq heç kim bizi maliyəələşdirmir.
Axıra qədər getsələr qrafik də pozulmaz” – deyə
bildirdi Yuri Samxaradze.
Samxaradzenin dediyinə görə Marneulidə indi gündə 10-12 nəqliyyat
vasitəsi xidmət göstərir. Öz işinin dəqiqliyindən isə əmindir.
Marneulidə hərəkət edən nəqliyyata gəldikdə isə təqribən 20-yə
qədərdir.
Ancaq əhalini bu qane etmir. Nəqliyyatın və saatların artırılmasını
tələb edirlər.