Bu gün 6 iyun tarixində Kvemo Kartli qubernatoru Qriqol Nemsadze
dövlət proqramları və xidmətləri haqqında məlumatları nəzərdə
tutuan məlumat kampaniyası barəsində məlumat xarakterli görüş
keçirib.
Görüş Rustavi şəhərində dövlət müvəkkili – qubernator
administrasiyasında keçirilib. Kampaniyanın məqsədi dövlətin
müxtəlif istiqamətlərdə onlara təklif etdiyi məsələlər və imkanlar
haqqında hər bir vətəndaşın başa düşəcəyi dildə məlumat
almasıdır.
Qriqol Nemsadze bildirdi ki, bu günkü görüş çox mühümdür və onların
təşəbbüsü və həmçinin Barışıq və Vətəndaş Bərabərliyi məsələləri
üzrə Dövlət Naziri Aparatının dəstəyi ilə ictimaiyyətin dövlət
proqramları və xidmətlər haqqında məlumatlandırılmasına yardım
edəcək məlumat kampaniyasının keçirilməsi planlaşdırılır.
"Çoxlu maraqlı proqramlar var və fikirləşirəm ki, ictimaiyyətin bu
barədə məlumat alması çox mühümdür. Bildiyiniz kimi burada müxtəlif
millətlər yaşayır və biz maksimal şəkildə çalışacağıq ki, ehtiyac
olarsa onlar başa düşə biləcəkləri dildə məlumat alsınlar. Bu
əhalinin məlumatlığını artıracaq, həmçinin bölgə miqyasında
məlumatlılıq göstəricisini yaxşılaşdıracaq" - deyə
bildirdi Qriqol Nemsadze.
Əmək, Səhiyyə və Sosial Müdafiə nazirinin müavini Zaza Boxuanın
dediyinə görə, Səhiyyə Nazirliyi əhaliyə onların başa düşə biləcəyi
dildə məlumat verməyə hazırdır.
"Fəaliyyət planları hazırlanıb. Sosial, həmçinin ümumi
səhiyyə bu hazırlanıb və 11 iyun tarixindən başlayaraq həyata
keçirəcəyik" - deyə bildirdi Zaza Boxuanı.
Ətraf mühitin mühafizəsi və kənd təsərrüfatı nazirinin müavini
Solomon Pavliaşvili məlumat kampaniyasının keçirilməsini mühüm
hesab edir və deyir ki, maraqlanan və hazır olan şəxslərə onların
yanında işlə təmin olunmaq imkanı veriləcək.
"Bölgədə 7-8 xidmət var. Bunlar Milli Meşə Departamenti, məhsul
təhlükəsizliyi, mexanizasiya, meliorasiya və s. Bizim bölgələrdə bu
proqramlarla məşğul olan insanlar var" - deyə
bildirdi Solomon Pavliaşvili.
Görüşdə Gürcüstanın Barışıq və Vətəndaş Bərabərliyi məsələləri üzrə
dövlət nazirinin birinci müavini Laşa Darsalia, Xalq Müdafiəçisi
Aparatının Kvemo Kartlidəki nümayəndəsi Mariam Qvidiani, Marneuli
merinin birinci müavini Zaur Tabatadze, həmçinin qeyri hökumət
təşkilatları və mətbuat nümayəndələri iştirak edirdilər.
Məlumat xarakterli görüşlərin keçirilməsinə 11 iyun tarixindən
başlanılacaq və bir ay ərzində bölgənin bütün bələdiyyələrini əhatə
edəcək.