Ermənistanın Gürcüstandakı səfiri
Ruben Sadoyan bu gün, 27 iyun tarixində Dəmyə kəndinin əhalisi ilə
görüşüb.
Görüşdə eləcə də Marneulinin mer vəzifəsini yerinə yetirən Zaur
Tabatadze də iştirak edirdi. Görüş zamanı əhali kəndin əsas
problemi olaraq xarab olmuş yol problemini qeyd ediblər və bununla
bağlı Marneulinin mer vəzifəsini yerinə yetirən şəxs onlara deyib
ki, bu kənddə yolun bərpa işləri 2020-ci il üçün
planlaşdırılır.
Əhali ilə söhbət zamanı Zaur Tabatadze dil maneəsi probleminə də
toxunub. O, kəndn sakinlərinə deyib ki, gürcü dilini
öyrənməlidirlər. Kənd əhalisi ona cavab verib ki, gürcü dilini
öyrənirlər.
“Təssüf ki, nəticə yoxdur, hələ ki,
görsənmir” – Zaur Tabatadze Dəmyə kəndinin əhalisinə
belə cavab verib.
Zaur Tabatadzenin şərhinə Ermənistanın Gürcüstandakı səfiri Ruben
Sadoyan rəy bildirib və ona deyib ki, yol problemindən diqqəti dil
öyrənməyə aparmasın. Sakinlər qeyd olunan problemi bilirlər və
gürcü dilini öyrənirlər.
Eləcə də Ruben Sadoyan Zaur Tabatadzeyə deyib ki, Dəmyə kəndinin
əhalisi çox səbirlidir və özləri də 2020-ci ilə qədər deyil bir
həftə ərzində bu yolla hərəkət etsə nəisə baş verər.
Zaur Tabatadze Ermənistanın Gürcüstandakı səfiri ilə razılaşmayıb
və deib ki, Ermənistanda da bütün kəndlərdə “kauçuk” yollar
yoxdur.