“Vahid Milli Hərəkat”ın Marneuli qərargahının rəhbəri Aqil
Mustafayev 11 oktyabr tarixində Marneuli Dairə Seçki Komissiyasına
seçkiöncəsi təbliğat-təşviqat kampaniyası qaydalarının pozulması
ilə bağlı şikayət ərizəsi ilə müraciət etmişdi.
O, hesab edir ki, Zurabişvili ilə görüşdə inzibati resurslardan
istifadə ediblər. Marneuli majoritar deputatı Ruslan Hacıyev bu
faktı nə təkzib, nə də təsdiq etdi.
“VMH” hesab edir ki, 10 oktyabr tarixində Marneulidə “Gürcü
Arzusu”nun dəstəklədiyi müstəqil namizəd Salome Zurabişvili ilə
görüşdə Marneuli meriyasının əməkdaşları və dairə seçki
komissiyasının üzvləri iştirak ediblər. Onların dediyinə görə, bu
nun üçün sübut olaraq foto və video materiallar da mövcuddur.
Ruslan Hacıyev deyir ki, onun gördüyü video materiallarda dövlət
resurslarından istifadə olunduğu barədə heç nə yoxdur.
"Ən bu videoya baxmamışam, baxdığım videoda isə onları
görmədim. Əgər hansısa fakt olarsa, əlbəttə dairə komissiyası
tərəfindən qərar veriləcək. Əgər bu qanuna uyğun olsa biz də riayət
edəcəyik. İndi mən baxmamış necə deyi olub ya yox?" -
dedi Ruslan Hacıyev.
Bu mövzu ilə bağlı Ruslan Hacıyevlə 12 oktyabr tarixində də əlaqə
saxlamışdıq. Həmin vaxt o, bildirmişdi ki, vəziyyəti dəyərləndirmək
üçün daha çox zamana ehtiyacı var. 4 gün ərzində isə Hacıyev Salome
Zurabişvili tərəfindən Marneulidə keçirilmiş görüşün videoyazısını
izləməyib.
Şikayət ərizəsi Marneuli Dairə Seçki Komissiyasına daxil olub.
Marneuli Dairə Seçki Komissiyasının sədri Yakob Asanidzeinin
dediyinə görə, şikayətin müzakirəsi onun səlahiyyətlərindədir və
bunun üçün isə 1 ay vaxtı var.