Kənddə yaşayan kiçik sahibkarlar üçün məlumat xarakterli görüş keçirildi
Bu
gün, 19 dekabr tarixində kənddə yaşayan kiçik sahibkarlar üçün
Marneuli Mülki Məşğulluq Mərkəzində məlumat xarakterli görüş
keçirildi.
Görüş çərçivəsində sahibkarlara Avropa İttifaqı ilə dərin və
hərtərəfli razılaşma nəticəsində ərzaq təhlükəsizliyinin tanınması
prosedurlarına daxil edilmiş tənzimləmələr barədə məlumat
verildi.
“Marneuli Demokrat Qadınlar Cəmiyyəti”nin sədri Olqa Endeladzenin
bizimlə söhbəti zamanı bildirdiyinə görə, layihə çərçivəsində
keçirilən görüşlər zamanı sahibkarlarda bir çox suallar yaranır, bu
günkü görüşdə isə bu suallara mütəxəssislər cavab verib.
“Ərzaq təhlükəsizliyinin tanınması prosedurları barədə
söhbət açıldı. Bu prosedurlara kim əməl etməlidir, kim yox, ərzaq
təhlükəsizliyi və vergi müfəttişliyi nöqteyi-nəzərindən kiçik
sahibkar nədir. Bunlar çox mühüm məsələlərdir. Çünki yerli
fermerlər ərzaq təhlükəsizliyi və vergi müfəttişliyi
nöqteyi-nəzərindən hansı dəyişikliklərin olduğunu
bilməlidir”, – deyə Olqa Endeladze bildirib.
Endeladzenin dediyinə görə, biznesoperatorlar məhz qeyd olunan
dəyişikliklər nəticəsində öz biznes imkanlarını və inkişaf
potensialını analiz etməlidirlər.
Görüş “DCFTA informasiya resurs-masası” çərçivəsində “Marneuli
Demokrat Qadınlar Cəmiyyəti”nin təşkilatçılığı ilə keçirildi.
“Marneuli”
radiosu