74 წლის პენსიონერი ნიზამ  ყურბანოვი სოფელ ქეშალოში ცხოვრობს. საკუთარი სახლთან მიწის ნაკვეთი აქვს, რომელსაც ახლა ის სათბურად იყენებს. პომიდორი და კიტრი მოჰყავს. სათბურში შესვლისთანავე შეიმჩნევა, რომ მიწა გამომშრალია ნიზამიც სწორედ ამას გვიდასტურებს და ამბობს, რომ სოფელში ბევრი პრობლემა აქვთ, თუმცა ყველაზე მთავარი ახლა სარწყავი წყალია. ოჯახების უმეტესობაც აქ თავს სოფლის მეურნეობით ირჩენს. უწყლობის გამო კი ყოველი სეზონი რისკის ფასად უჯდებათ. შეძლებენ შემოსავლის აღებას თუ არა, ეს მხოლოდ წყალზეა დამოკიდებული. საბჭოთა პერიოდშიც სოფლის მეურნეობით იყო დაკავებული დღევანდელ დღეს ის წარსულს ადარებს.

„არანაირი წყალი არ გვაქვს. ძველად კოლმეურნეობის დროს, წყალიც იყო და კარგი მოსავალიც გვქონდა. ახლა წყალი არ გვაქვს, ერთი ბიჭის ფულით ყიდის წყალს. ერთ სააათს 18 ლარი ღირს. შარშან 700 ლარი დავხარჯე, რომ მოსავალი მომერწყა. პენსიონერი ვარ. ამ ასაკში წამლებისთვის მჭირდება ფული“- ამბობს ნიზამი

სოფლის ერთ- ერთ მაცხოვრებელს, რომელსაც წყლის პრობლემა ანალოგიურად აწუხებს ბიზნეს იდეა მოაფიქრდა და საკუთარ სასხსრებით შეიძინა ელექტრო ტუმბო და მტკვარიდან ტუმბავს წყალს , რომელიც შემდეგ მსურველებზე ნაწილდება. რა თქმა უნდა, მსურველი ბევრია. ნიზამიმა ეზოში აუზი მოაწყო, ნაყიდ წყალს აგროვებს და მერე წვეთოვანი სისტემით სათბურში პომიდორს და კიტრს რწყავს. ფიქრობს, რომ ასე წყალი უფრო ნაკლებად იხარჯება.

“რა გავაკეთო, ასე ხომ არ ვისხდებით? ახლა წელიწადში სახელწიფოს ვუხდი ფულს. სამელიორაციოსთან გვაქვს შეთანხმება. თუმცა იქიდან წყალი არ მოდის და ჩვენით ვახერხებთ მორწყვას“. -ამბობს ნიზამი

ნიზამს სახლის გარდა მიწის ნაკვეთი სხვა ადგილზეც აქვს, მისი დამუშავება უძნელდება, ამბობს, რომ მელიორაციასთან შეთანხმებაც აქვთ, რომ წყალი გარკვეული ინტერვალით უნდა მოდიოდეს, თუმცა მიუხედავად დიდი გადასახადისა წყალი მათთან იშვიათად მოდის და მიწების ჰექტრობით დამუშავებას მისთვის აზრი არ აქვს.

სახლში არსებულ მიწის ნაკვეთზე, სადაც ასე თუ ისე წყლის მიწოდებას ახერხებს იმედი აქვს, რომ წელს კარგი მოსავალი ექნება და ბაზარში გაყიდვასაც მოახერხებს. როგორც პენსიონერი იხსენებს, შარშან სოფლის მეურნეობის სამინისტროს მიმართეს. არა ერთი შეხვედრა მოასწყვეს. პრობლემა თითქოს მოგვარებული იყო თუმცა სარწყავი წყალი დღემდე არ აქვთ.