საბაჟო გამშვებ პუნქტში ,,წითელი ხიდი“, არადეკლარირებული სიგარეტის
ქვეყნის საზღვარზე კანონდარღვევით შემოტანის მცდელობის ფაქტი
აღიკვეთა.
როგორც „ინტერპრესნიუსს“ ფინანსთა სამინისტროს შემოსავლების
სამსახურიდან აცნობეს, 7 ოქტომბერს, საქართველოს ფინანსთა სამინისტროს
შემოსავლების სამსახურის მებაჟე ოფიცრებმა, ეჭვის საფუძველზე,
საქართველოს მოქალაქეს ტ.მ-ს 600 ღერი, არადეკლარირებული სიგარეტი,
ფიზიკური დათვალიერებისას აღმოუჩინეს.
უწყების ცნობით, საქართველოს საგადასახადო კოდექსის 289-ე მუხლის
მე-14 ნაწილის შესაბამისად, კანონდამრღვევ მოქალაქეს, სანქციის სახით,
ჩამოერთვა საქონელი და ფულადი ჯარიმა, ათასი ლარის ოდენობით
შეეფარდა.