2018 წლის იანვარ-სექტემბერში, საქართველოდან სიგარების, სიგარეტებისა
და სიგარილების ექსპორტმა 100 მილიონ 461 ათასი დოლარი შეადგინა,
რაც ქვეყნის მთლიანი ექსპორტის 4.1%-ია.
სტატისტიკის სამსახურის წინასწარი მონაცემებით, გასული წლის ანალოგიურ
პერიოდთან შედარებით, ქვეყნიდან სიგარეტის ექსპორტი 465%-ით არის
გაზრდილი. კერძოდ, 2017 წლის იანვარ-სექტემბერში საქართველოდან
ექსპორტზე 17 მილიონ 779 ათასი დოლარის სიგარეტის ექსპორტი
განხორციელდა.
აღსანიშნავია, რომ სიგარეტის ექსპორტის უდიდესი წილი რეექსპორტზე
მოდის.
გაზრდილია სიგარეტის იმპორტიც: კერძოდ, იანვარ-სექტემბერში ქვეყანაში
123 მილიონ 177 ათასი დოლარის სიგარეტი შემოვიდა, რაც მთლიანი
იმპორტის 1.8%-ია, ხოლო წინა წლის ანალოგიური პერიოდის მაჩვენებელს კი
108%-ით აღემატება. 2017 წლის იანვარ-სექტემბერში ქვეყანაში 59 მილიონ
423 ათასი დოლარის სიგარეტები შემოვიდა.