ტაილანდში მიმდინარე ძალოსანთა მსოფლიო თასის გათამაშებაზე, რომელიც პარიზის ოლიმპიური თამაშების სავალდებულო სალიცენზიო ჩასათვლელი ტურნირია, დღეს გამარჯვებულები +109 კგ. წონითი კატეგორიაში გამოვლინდებიან.

საქართველოს ნაკრების სამწვრთნელო შტაბის წარმომადგენლებისა და პირადად ლაშა ტალახაძის გადაწყვეტილებით, ორგზის ოლიმპიური ჩემპიონი, რეგლამენტის შესაბამისად, სტარტზე გამოცხადდა, თუმცა ტრავმასთან დაკავშირებული რისკის თავიდან აცილების მიზნით ის დღეს ფიცარნაგზე არ გამოვა.

ტაილანდში მიმდინარე მსოფლიო თასის გათამაშება ბოლო სალიცენზიო სავალდებულო ტურნირია და სტარტზე გამოცხადება სავალდებულოა.

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.