მარნეულის მერიის შენობის წინ  საპროტესტო აქცია გაიმართა. ადგილობრივი ხორცის მწარმოებლები მერის პირველ მოადგილეს ლაშა ლობჯანიძეს შეხვდნენ. მათი ძირითადი პრობლემა სასაკლაოზე პირუტყვის დაკვლა წაროადგენს. ამბობენ, რომ რიგშიც დიდ ხანს უწევთ ყოფნა, გადასახადიც ეძვირებათ, რაც მათ საქმიანობას აზარალებს. იმასაც ამბობენ, რომ მუსლიმური ტრადიციიდან გამომდინარე პირუტყვი შესაბამისი წესით უნდა დაიკლას, თუმცა ამას სასაკლაოზე არ აკეთებენ.

„მოდიან ჩვენთან და ჯარიმებს გვიწერენ, რადგან სასაკლაოზე არ მიგყვავს პირუტყვი. ჩვენ ძველი კანონის დაბრუნება გვსურს. როგორც ადრე მოდიოდა ჩვენთან ექიმი, ანალიზებს იღებდა სინჯავდა, დამადასტურებელ საბუთს გვიტოვებდა, ფულს იღებდა და მიდიოდა. ჩვენ კი ტვითონ ვკლავდით.“

„გაყიდულ ხორცისგან ისედაც 10-15 ლარი გვრჩება. სასაკლაოზე რომ მიგვყავს თითო დაკლულზე ფული უნდა გადავიხადოთ და 25 ლარი გვიჯდება. გამოდის, რომ ხორცის ფასი უნდა გავზარდოთ. ხალხი ამ ფასად ვერ ყიდულობს ხორცს და 20 ლარად სულ აღარ იყიდის“
„ეს რომელ კანონში წერია რომ 12 კილოგრამიან პირუტყვზე 1000 ლარიანი ჯარიმა იწერებოდეს“

„აქ მოსახლეობის უმეტესობა ცხვრის ხორც ჭამს. ხვალ ჩემთან მორწმუნე მუსლიმი რომ მოვიდეს და არ იყიდოს ხორცი, რადგან შესაბამისი წესებით არ არის დაკლული რა გავაკეთოთ? მე მიმყავს ცხვარი სასაკლაოზე და თვითონ მიწევს დაკვლა, მუსლიმური წესებით, მერე მე ვასუფთავებ იქაურობას. ვითომ შესაბამისი წესების დაცვით ხდება ყველაფერი, არ შეესაბამება ეს სიმართლეს.“

ლაშა ლობჯანიძე ამბობს, რომ ადგილობრივ ხორცის მწარმოებლებს რამდენიმე დღის წინ შეხვდნენ და მუნიციპალიტეტის ხელმძღვანელმა პირებმა შეხვედრის მონაწილეებთან კანონმდებლობით გათვალისწინებული მოთხოვნების დაცვის აუცილებელობაზე გაუმახვილეს ყურადღება. მისივე თქმით, დღევანდელი ხორცის მწარმოებლების უკმაყოფილების მოგვარება მხოლოდ ერთ მხრივ შეუძლიათ, მიმართონ სასაკლაოების უფროსებს, რათა მათი ინტერესები დაცული იყოს, რაც პირუტყვის ჰალალის წესით დაკვლას გულისხმობს.

გაეროს სურსათის და სოფლის მეურნეობის პროექტის ხელმძღვანელი მიხეილ სოხაძე ჩვენთან საუბარში განმარტავს, რომ პირუტყვის სასაკლაოებზე დაკვლის ვალდებულება 2012-2013 წლიდან შემოვიდა, რაც ნამდვილად მნიშვნელოვანი და გასათვალისწინებელია.

„პირუტყვის სასაკლაოზე დაკვლა ეს არის უმთავრესი ა ყველაზე უფრო აუცილებელი პირობა, რათა მომხმარებელმა საბოლოო ჯამში მიიღოს უვნებელი სურსათი. პირველი მოთხოვნა ის არის, რომ პირუტყი აუცილებლად იდენტიფიცირებული იყოს, რაც იმას ნიშნავს, რომ ცხოველს აქვს მონაილეობა მიღებული სახელმწიფოს მიერ განხორციელებულ პროგრამებში. შემდგომ ხოციელდება უშუალოდ სასაკლაოზე დაკვლის წინა და შემდგომი ეტაპები ვეტერინალური ზედამხედველობის. აღნიშნული ღონისძიეების გარეშე ხორცი შეიძლება ისეთი დაავადებების მატარებელი იყოს, რომ ადამიანებში სიკვდილიც კი გამოიწვიოს. განსაკუთრებით საშიშია ისეთი დაავადება, როგორიცაა ჯილეხე.“ - ამბობს მიხეილ სოხაძე

სოხაძის თქმით, რაც შეეხება იმ ადამიანების ინტერესების გათვალისწინებას ვისაც პირუტყვის დაკვლა სხვადასხვა წესით სურთ, ამაზე სასაკლაოს მფლობელმა უნდა იზრუნოს.