Rusiyanın Kiyevdə bugünkü hücumundan sonra hamilə qadın və əri
xarabalıqlardan çıxarılıb.
Bu barədə Kiyevin meri Vitali Kliçko məlumat verib.
“Xilasetmə əməliyyatı zamanı Rusiyanın pilotsuz təyyarə ilə
hücumuna məruz qalan Kiyevin mərkəzində yaşayış evinin
xarabalıqları arasından 3 vətəndaşın cəsədi tapılıb. Onların
arasında gənc cütlük - ər və hamilə qadın da var. O, 6 aylıq hamilə
idi. Rusiya terrorçu dövlətdir”, - Kliçko yazıb.
Oktyabrın 17-də səhər tezdən Kiyevdə partlayış səsləri eşidilib.
Ukraynanın paytaxtı İranın kamikadze pilotsuz təyyarələri ilə
hücuma məruz qalıb. Kiyev Şəhər Hərbi Administrasiyasının
məlumatına görə, dörd pilotsuz təyyarədən biri vurulub, biri isə
yaşayış binasına düşüb.