“Demokratiya Araşdırmaları İnstitutu” təmaslara əsaslanaraq
yazıb ki, ötən həftə Qali bölgəsində Rusiya dövlət nömrə nişanlı
yük maşınlarının Enquridən Gürcüstan istiqamətində və əks
istiqamətdə aktiv hərəkəti müşahidə olunub.
Rusiyalı təbliğatçı və Rusiya Xarici İşlər Nazirliyinin rəsmi
nümayəndəsi Mariya Zaxarovanın fikrincə, NATO-nun məqsədi Cənubi
Qafqazda Rusiyaya qarşı ikinci cəbhə açmaqdır, Rusiya isə sülhə
yönəlib.
Avropa İttifaqının Gürcüstandakı nümayəndəliyi yazıb ki, Avropa
İttifaqı Gürcüstanın işğal olunmuş ərazilərində Rusiyanın seçki
məntəqələrini qanunsuz hesab edir.
Rusiyanın Ukraynanın Dnepropetrovsk vilayətinin Krivoy Roq
şəhərinə hücumu nəticəsində 3 nəfər həlak olub, 30-dan çox insan
xəstəxanalara çatdırılıb, bu barədə vilayətin hərbi
administrasiyasının rəhbəri Serxi Lisak məlumat verib.