“Gürcü arzusu”nun deputatı Arçil Talakvadzenin sözlərinə görə, Prezident İnstitutu müstəqildir və ona görə də onun bəyanatlarının hökumət və parlamentlə razılaşdırılması vacib deyil. Parlamentdə viza rejiminə yenidən baxılması müzakirə olunmayıb.

Parlament üzvü prezidentin hazırkı vəziyyəti nəzərə alsaq, Rusiya ilə viza rejiminin “kifayət qədər liberal” olması və ona yenidən baxmalı ola biləcəyimiz barədə şərhinə belə münasibət bildirib.

“Gürcüstan

hakimiyyəti və dövlətimiz qanunvericiliyə, eləcə də Gürcüstanın qoşulduğu beynəlxalq konvensiya və qaydalara əsasən ölkəyə daxil olan istənilən şəxsin ölkəyə girşini qanuni hesab edir. Parlamentdə viza rejimi ilə bağlı yeni qərar müzakirə olunmayıb.

Onu da bir daha xatırlatmaq istəyirəm ki, Gürcüstan prezidenti Konstitusiyaya görə müstəqil qurumdur. Ona görə də onun bəyanatlarının hökumət və parlamentlə razılaşdırılması fikri keçərli deyil”, - deyə Arçil Talakvadze bildirib.

Həmçinin deputatın sözlərinə görə, ABŞ və Almaniya Rusiyadan səfərbərlikdən qaçan insanları qəbul edir və Gürcüstan da qərb tərəfdaşları mövqeyinə qoşulur.

“Biz bu yaxınlarda Amerika Birləşmiş Ştatları və Almaniya hökumətlərinin nümayəndələrinin bəyanatlarını eşitdik, orada səfərbərlikdən sonra Rusiyadan gələn insanlar haqqında birbaşa danışırlar və onlar öz dövlətlərinin mövqeyini bildiriblər ki, belə insanlar qəbul edilməlidir. "Gürcüstan istisna deyil, Gürcüstan da Qərb tərəfdaşlığının bir hissəsidir və viza məsələlərini beynəlxalq konvensiyalar və öhdəliklər çərçivəsində müzakirə edir", - Talakvadze bildirib.