Ukrayna Silahlı Qüvvələrinin Ali Baş Komandanı Valeri Zalujin
sosial şəbəkələrdə Rusiya aviasiyasının itkiləri ilə bağlı
məlumatları yayıb və əlavə edib ki, “bu müharibə Rusiyanı məhv
edəcək”.
Zalujinin sözlərinə görə, fevralın 24-dən bu günə qədər Ukrayna
müdafiəçiləri 10 illik müharibə zamanı Sovet İttifaqının
Əfqanıstanda itirdiyi rus təyyarələrindən iki dəfə çox Rusiya
təyyarəsini məhv ediblər.
“Tam miqyaslı təcavüzdən sonra Ukrayna müdafiəçiləri 10 illik
müharibə zamanı Sovet İttifaqının Əfqanıstanda itirdiyindən iki
dəfə çox Rusiya təyyarəsini məhv etdilər. Ukraynada 278 Rusiya
təyyarəsi, Əfqanıstanda isə 118 Sovet təyyarəsi məhv
edilib”, - Valeri Zalujin şəxsi sosial şəbəkələrində
yazıb.
Zalujin hesab edir ki, Ukrayna ilə müharibə Rusiya üçün
Əfqanıstandakı müharibə qədər utancvericidir.